Mikeyo 6:1 - BIBLIYA NTAGATIFU OMU MASHI

¹ Yumvagi oku Nyakasane adesire: Yimuka, ojîse entondo lubanja, n’amalango goshi gayumve izù lyâwe.

Mikeyo 6:1 ပူးပေါင်းရင်းမြစ်များ

Ennanga 50:1

Lulanga. Lwa Azafi. Nyakasane Nnâmahanga adesire akanwa analâlika igulu lyoshi, kurhenga ebushoshôkero bw’izûba kuhika ebuzikiro bwalyo.

Ennanga 50:4

Amâlâlika amalunga amâlâlika n’idaho, bulyâla akola atwîr’olubaga lwâge olubanja.

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Izaya 3:13

Nyakasane ayîmanzire mpu ajè lubanja, ayîmanzire mpu atwîre embaga olubanja.

Yeremiya 13:15

Yumvi, murhege okurhwiri muleke n’obucîbone, Nyakasane adwîrhe aderha.

Yeremiya 22:29

Igulu wee! lgulu wee! Igulu wee! Yumva akanwa ka Nyakasane.

Ezekiyeli 36:1

Nâwe wâni mwene omuntu, oderhe ebinwa by’obulêbi biyêrekîre entondo z’Israheli, onazibwîre, erhi: Ewani ntondo z’Israheli muyumve akanwa ka Nyamubâho:

Ezekiyeli 36:8

Ninyu wâni ntondo z’Israheli, mwashabuka munaleheke mulîse olubaga lwâni Israheli; bulya bali hôfi bayishe.

Ezekiyeli 37:4

Anacimbwîra, erhi: Lêbera agâla mavuha! ogabwîre, erhi: Mwe mavuha gayumûsire, yumvi akanwa ka Nyamubâho.

Ezekiyeli 6:3

Ozibwîre, erhi: Wâni ntondo z’Israheli, yumvagi oluderho lwa Nyakasane Nyamubâho. Ntyâla kwo adesire Nyakasane Nyamubâho, akubwîzire entondo, akubwîzire orhurhondo, emisima n’orhubanda. Loli oku nâlêrha abayisha bamuyômolîre engôrho, bashanda empêro zinyu.

Amosi 3:1

Yumvi aka kanwa Nyakasane ambwîzire, wâni bene Israheli, ninyu muli milala narhenzagya omu cihugo c’e Mîsiri.

Mikeyo 1:2

Muyumvîrhize mwe lubaga. Nâwe w’lgulu n’ebikubamwo byoshi, rhega okurhwiri. Nyakasane Nyamuzinda yêne amubêra muhamîrizi, Nyakasane yênene kurhenga omu nyumpa yâge nyimâna.

Mikeyo 1:4

Entondo alabasirekwo zamâjonga, n’emmanda zamâboneka nka kula omuhomo gujonga n’omuliro, nka kula amîshi gahona oku mâla.

Mikeyo 6:2

Ewe mwe mirhezi muyumve olubanja lwa Nyakasane, ninyu mwe biriba bizibuzibu by’igulu, bulya Nyakasane ali lubanja bo n’olubaga lwâge, akwâmire Israheli.

Luka 19:40

Naye abashuza, erhi: «Mmubwîzire oku erhi bankahulika, amabuye ganayâma».

Lushika 32:1

Mwe malunga murhege okurhwiri, nkola nashambâla, w’igulu, yumva okûla naderha.

Lushika 4:26

lêro igulu n’amalunga go gâmpumira omu kasheba gamuyagîrize olwo lusiku: murharhamihungumuke muli eco cihugo mwajiyanka mpu cibè cinyu obu mwayikira Yordani. Murhashingemo nsiku inga, kuhungumuka mwanahungumuka.

1 Samweli 12:7

Mushegerage hanôla, bunôla nkolaga namuyêreka aminjà Nyamubâho amujirire mwe n’ababusi binyu.

1 Samweli 15:16

Samweli anacibwîra Saulu, erhi: Hulikaga, hoshi aho! Nkolaga nakubwîra oku Nyamubâho anambwîzire ene budufu. Anacimbwîra, erhi: Derhaga!