Migani 6:3 - BIBLIYA NTAGATIFU OMU MASHI

³ alaga oku wajira mwâna wâni: ocirikûze, obwôla wacîhanyire omu nfune z’omulungu: onakanye otule omulungu wâwe,

Migani 6:3 ပူးပေါင်းရင်းမြစ်များ

2 Samweli 24:14

Daudi anacishuza Gadi, erhi: «Nêci namarhindibuka wâni! Rhufirage erhi kwo omu maboko ga Nyamubâho, bulya obwonjo bwâge bubà bunji, casinga ntakumbaga omu maboko g’abantu.»

2 Nganîro 12:5

Omulêbi Shemaya ayisha ajà emunda Roboami ali boshi n’abarhambo b’omu Yûda, ajà emunda bali bashûbûzinye omu Yeruzalemu omu kujà kwayaka Shishaki, anacibabwîra, erhi: «Kwo adesire ntyâla Nyamubâho: Mwanjandisire; nâni namamujandika omu maboko ga Shishaki.»

2 Nganîro 36:12

Ajira ebiri bigalugalu omu masù ga Nyamubâho, Nyamuzinda wâge, arhanacirhôhehekezagya embere z’omulêbi Yeremiya, ye wakazâgimubwîra ebya emwa Nyamubâho.

Ennanga 31:8

Nkolaga nasâma ncîtakîre obwonjo bwâwe, bulya walolêrîze obuligo bwâni.

Lubungo 10:3

Mûsa na Aroni banacijà aha mwa Faraoni mwâmi w’e Mîsiri, bàmubwîra, mpu: «Ntya kwo Nyakasane, Nyamuzinda w’Abayahudi adesire: Kuhika mangaci walahira okucîrhohya embere zâni? Lîka olubaga lwâni lugende, luj’inkolera.

Migani 6:2

erhi ankabà wacîshwêsire n’ebinwa waderhaga wêne, erhi ankabà wagwâsirwe omu binwa byâwe wênene;

Migani 6:4

amasù gâwe orhagahaga irò, n’engohe zâwe orhazirhamûlaga.

Yakôbo 4:10

Mucîrhohye embere za Nyakasane, naye ammukuza.