Migani 3:3 - BIBLIYA NTAGATIFU OMU MASHI

³ Obukûnda-Lulema n’obudahemuka birhakujâga kulî! obiyambalire omu igosi, obiyandikire oku lwâsi lw’omurhima gwâwe.

Migani 3:3 ပူးပေါင်းရင်းမြစ်များ

2 Samweli 15:20

Njo waciyishaga, gurhigi ene rhukôla rhwajà rhwazungula eyi n’eyi rhweshi? Galuki mushubire eka mweshi na bene winyu. Omugisho n’obushinganyanya bya Nyamubâho bimuyandagalirekwo.»

Ennanga 119:11

Nsegîze akanwa kâwe oku murhima, nti ndeki hemuka.

Ennanga 25:10

Enjira za Nyakasane zoshi bubà burhonyi n’oburhabêsha, oku bantu bashimba omulagi gwâge n’amarhegeko gâge.

Ennanga 85:10

Nêci akola ali hôfi h’okuciza abamurhînya, n’irenge lyâge lyaling’iyîsh’ibêra kunôla igulu lîrhu.

Lubungo 13:9

“Ntyo câbà cimanyîso ekuboko kwâwe na mwîbûko ebusù bwâwe, lyo irhegeko lya Nyakasane libà omu kanwa kâwe, bulya kuboko kwâge kuzibu Nyakasane akurhenzagyamwo e Mîsiri”.

Lubungo 34:6

Nyakasane anacigera embere zâge, ajà ayâkûza, erhi: «Nyakasane, Nyamubâho, Nyamuzinda w’obwonjo, ntabâcihûngo, ntakunira-duba, oyunjula bwinjà n’obwîkubagirwa,

Migani 1:9

ciri cimanè ca kukwânana irhwe lyâwe, gali magerha omu igosi lyâwe.

Migani 14:22

K’okukola amaligo kurhali kuhaba? Lukogo na burhonyi oku muntu omalîra ebinja obushiru.

Migani 16:6

Olukogo lw’oburhabêsha bwo bulyûla ebyâha, okurhînya Nyakasane kwo omuntu ayâkamwo obubî.

Migani 20:28

Obukenge n’obudahemukira mwâmi bo balanzi bamulanga; obukenge byo bikondo by’entebe yâge.

Migani 6:21

Okaziyôrha ogasêgìze oku murhima, okazigayambalira omu igosi.

Migani 7:3

Amahano ogashwêkere oku minwe yâwe, ogayandike oku lwâsi lw’omurhima gwâwe.

Yeremiya 17:1

Ecâha ca Yûda ciri ciyandike n’akalamu k’ecûma, ciri ciyandike n’omusholo gw’ecûma c’amarhale, oku mbaho y’omurhima gwâbo n’omu marhwêrhwè g’empêrero zâbo,

Hozeya 4:1

Muyumve akanwa ka Nyamuzinda, bene Israheli, bulya Nyamuzinda ali lubanja haguma n’abantu b’ecihugo. Omu cihugo, murhaciri mwîkubagirwa, ntà buzigire, ntà kucimanya na kukenga Nyamuzinda.

Malakiya 2:6

Barhaderhaga ezirhali nyigîrizo z’okuli, ntà cinwa ca bunywesi bàdesire. Bàlamire omu kuyumvanya bwenêne haguma nâni, omu bushinganyanya, bànarhuma bantu banji baleka lwoshi lwoshi okujira amabî.

Mateyo 23:23

Muli bahanya mwe bashamuka b’ihano ninyu Bafarizeyi, ezi ndyâlya zikalyûla entûlo y’emento, n’eneto, n’ecimino, mugal’ivuna amarhegeko makulu: okutwa kwinjà olubanja, obwonjo n’okurhalyaliha. Murhegesirwe okujira ebyo byoshi buzira okuleka ebirhanzi.

2 Bakorinti 3:3

Nêci, kurhafulikwa, muli maruba ga Kristu rhwasiribaga rhwênene, n’ago maruba garhali mayandike n’obwîno, ci n’Omûka gwa Nyamuzinda ozîne; garhali mayandike oku mbaho z’amabuye, ci oku mbaho z’emibiri, oku mirhima yinyu.

Befezi 5:9

Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane.

Lushika 6:8

obishwêkere oku nfune zâwe nka kakengêzo n’oku malanga gâwe nk’ishembwa.

Bahabraniya 10:16

Eyi yo ndagâno nalagânana rhweshi nabo enyuma ly’ezo nsiku, Nyakasane ayûshûla, erhi: Nahira amarhegeko gâni omu mirhima yâbo, nabayandikago omu nkengêro.