Migani 2:4 - BIBLIYA NTAGATIFU OMU MASHI

⁴ Erhi wankabulongereza kula balongereza ensaranga erhi wankabusikimba kula bahûmba obuhirhi,

Migani 2:4 ပူးပေါင်းရင်းမြစ်များ

Murhondêro 26:32

Olwo lusiku lwonênè, bambali b’Izaki bayisha, bamubwîra omwanzi gw’iriba bakazagihûmba, baderha, mpu: «Rhwabwîne amîshi».

Ayubu 3:21

Ogu bahà abadwîrhe balinga olufù lurhanayisha, abalulonza kulusha obuhirhi?

Ennanga 119:127

Co cirhuma nsîma amarhegeko gâwe kulusha amarhale n’amasholo.

Ennanga 119:14

Omu njira y’amarhegeko gâwe kwo nyumva nshagalusire, kula omuntu ashagaluka omu bundi buhirhi.

Ennanga 119:72

Kuli nie, irhegeko lyâwe lyo likulu bwenêne, oku bihumbi by'amasholo n’amarhale.

Ennanga 19:10

Okurhînya Nyakasane bubà bucêse, kuyôrha ensiku n’amango; emmanja za Nyakasane zibà z’okuli zoshi zoshi zishingânîne.

Migani 16:16

Aha omuntu ankarhôla amasholo ankarhôla oburhimanya, n’aha omuntu ankabona amarhale ankabona obwîrhonzi.

Migani 2:3

Nêci, erhi wankadôsa emirhima, erhi wankalakira obukengêre,

Migani 23:23

Olonze okumanya okuli, ci orhabâga: «mpemba-nkubwîre» ocîhangâne omanye oburhimanya, ihano n’okumany’iyumva.

Migani 4:7

Omurhondêro gw’oburhimanya; kuyanka oburhimanya kuguza ebi ogwêrhe byoshi obone amakengu.

Migani 8:17

Nsîma abânsîma, abannôngereza banambone.

Muhanûzi 4:8

Rhuderhe omuntu ôli kahumba: orhajira mwâna arhajira na wâbo: omukolo gwâge gurhaheka, n’amasù gâge garhajira oku gankagala. Obwôla kwo biri ntyo, ndi ndwîrhage nâkolera nieki mbule bwanacîsîmîsa? Nanga birhali byo; kunali kurhebwa.

Mateyo 13:44

Obwâmi bw’empingu bwanagererwa oku buhirhi bufulike omu ishwa; omuntu wabubonaga, ashub’ibubishamwo, agend’asîmire, aj’iguza ebi àli agwêrhe byoshi, okuhandi agula eryo ishwa.

Mateyo 19:29

Na ngasi yêshi wâleke aha mwâge, erhi bene wâbo, erhi bâli bâbo, erhi îshe, erhi nnina, erhi abâna bâge, erhi amashwa gâge, nie ntuma, âhâbwa kali igana kulusha, anayish’ibona obuzîne bw’ensiku n’amango.

Luka 16:8

Nnawâbo olya mulanzi mulangûza amukunga mpu ajizire obwenge. Bulya abâna b’er’igulu bo bayengeha omu bâbo kulusha abâna b’obulangashane.