Migani 17:3 - BIBLIYA NTAGATIFU OMU MASHI

³ Omuliro gurhangula amarhale, n’ecibêye amasholo. emirhima yôhe Nyakasane oyirhangula.

Migani 17:3 ပူးပေါင်းရင်းမြစ်များ

1 Nganîro 29:17

Yâgirwa, Nyamuzinda wâni, mmanyire oku onalole e nkengêro zîrhu nfulike, n’oku orhahimwa kurhonya obushinganyanya; obwîne oku murhima gw’okunali narhûziremwo buzira kusêzibwa na ndi obuhirhi bwâni, nanabwîne ene oku olu lubaga lwâwe lucîgushire hano nalwo lwajira ntyo n’obushagaluke bunene.

Ayubu 23:10

Ci konene ayishi olugendo njira! Erhi ankantangulira omu cîko cidûlike muliro, nanarhengamwo ncîre nka masholo.

Ayubu 28:1

Okunali enfaranga zijira aha zikûlwa, n’amasholo gajira aha gashûbûkira.

Ennanga 139:23

Nnâmahanga, ondolêreze obone omurhima gwâni, onjè emurhima obone enkengêro zâni.

Ennanga 26:2

Ontangule, Yâgirwa, onyenje obone, onjè emurhima, onanje omu nsiko, olole.

Ennanga 66:10

Nêci Nnâmahanga kurhangula warhurhangulaga, cîko warhurhanguliremwo nka kula barhangula amarhale.

Migani 15:11

Erhi abâga ekuzimu n’enyenga biri omu masù ga Nyakasane, (lêro) omurhima gw’ababurhwa n’abantu, gohe kurhi?

Migani 16:2

Omu masù gw’omuntu enjira zâge zibà nka zishingânîne, ci kwône Nyakasane yêhe ye hombaganya emirhima.

Migani 17:2

Omushizi mwenge ye mukulu hali bene nnakâ basirhe, âyishishangîra akashambala haguma nabo.

Migani 21:2

Omu masù g’omuntu yêne, enjira zâge zoshi zishingânîne, ci Nyakasane yêhe mirhima ahombaganya.

Migani 27:21

Hali ecibeye c’amarhale hali n’eca amasholo: Omuntu yêne okwânîne ayirukire ayumva ebinwa by’okulimîrhiza.

Izaya 48:10

Alà oku nakucêsize kula bacêkeza amarhale omu cîko, nakurhangulîre omu cibeye c'amalibuko.

Yeremiya 17:10

Nie Nyakasane, nie nsingiriza omurhima nie nyenja ensiko, lyo ngabira ngasi muguma nk’oku ebijiro byâge binakwânîne, nk’oku amalehe g’emirimo yâge ganali.

Ezekiyeli 22:18

Wâni, mwene omuntu, omulala gw’Israheli kuli nie guli nka cûma cibîcibî: Boshi bali nka mulinga, bali ba marhale, ba cûma, ba mazî ga cûma gali e luganda, ciri cûma cibîcibî.

Daniyeli 11:35

Ba­guma omu bigîriza bâyish’irhiribuka, lyo bacêsibwa, barhangulwe banabè bêru-kwêru kuhika amango gahike, ebwa kubà hali amango gàjizirwe.

Zakariya 13:9

“N’olwo lubero luguma lwâsigala, nâbarhalika oku muliro lyo mbanûbula kula omuliro gunûbula amasholo n’amarhale. Okubundi bâkaz’inyêrekeza omusengero gwâbo nâni mbayumvîrhize. Nâkaz’ibabwîra nti: Lubaga lwâni, banayêmêre, mpu: Nyakasane ye Nyamuzinda wîrhu.”»

Lushika 8:16

Ye wakuyikulizagya omu irungu n’amâna, biryo basho barhayishi, kuderha mpu akujire mwîrhohye, mpu arhangikurhangula abulikujirira ebinja wâsima.

Lushika 8:2

Okazikengera zirya njira zoshi Nyamubâho, Nyamuzinda wâwe akugezagyamwo omu irungu myâka makumi anni, mpu lyo akujira mwîrhohye, akurhangule anamanye eciri omu ndubi y’omurhima gwâwe: mpu alole erhi walanga erhi orhalange amarhegeko gâge.

1 Petro 1:7

na ntyo buyêmêre bwinyu - bugwêrhe ecitwîro kulusha amasholo barhangula obwinjà bwâgo omu muliro, n’obwo kusherêra gasherêra - buyish’ibà bukuze n’irenge linyu, bunarhume mwakengwa olusiku Yezu Kristu acîyêrekana.

Mafulûlo 2:23

N’abâna bâge boshi nâbayirha, bafè; ntyo Ekleziya zoshi zimanye oku nie Nyamuzinda oyishi ebiri omu nsiko n’omu mirhima; nanayish’ilyûla ngasi muguma muli mwe nk’oku ebijiro byâge binakwânîne.