Migani 1:9 - BIBLIYA NTAGATIFU OMU MASHI

⁹ ciri cimanè ca kukwânana irhwe lyâwe, gali magerha omu igosi lyâwe.

Migani 1:9 ပူးပေါင်းရင်းမြစ်များ

Murhondêro 41:42

Faraoni mwâmi w’e Mîsiri anacihogola olugondo lwàli e kuboko kwâge oluhira ekuboko kwa Yozefu. Amuyambisa emishangi y’ecitâni, anamuyambisa omugufu gw’amasholo omu igosi.

Ennanga 73:6

Ko kala kagayano bayambala omw’igosi, ko kala kadali bayambaliza nka cirondo.

Migani 3:22

Byo byabâ buzîne bw’omurhima gwâwe, bunabè bulimbi bw’igosi lyâwe.

Migani 3:3

Obukûnda-Lulema n’obudahemuka birhakujâga kulî! obiyambalire omu igosi, obiyandikire oku lwâsi lw’omurhima gwâwe.

Migani 4:9

Oku irhwe lwâwe bwâdêkerezakwo ecimanè cikukwânîne bwâkuhêreza ecimanè c’irenge.

Lwimbo 1:10

Amarhama gâwe nka gayinjiha aha karhî k’ebisikiyo, alà ehigosi ogwêrhe omu karhî k’amagerha.

Lwimbo 4:9

Ci wamampêka omurhima mâshi mwâli wîrhu, mukazi wâni, wamampêka omurhima n’amasù ogwêrhe, n’igerha likuli omu igosi ciru lyône!

Izaya 3:19

orhugondo rhw’omu marhwiri, emilinga n’engole,

Yeremiya 35:8

“Nîrhu kwo rhwanashimbirage okwo rhwarhegekagwa na shakulu wîrhu Yônadabu mugala wa Rekabu: rhwono na bak’irhwe na bagala bîrhu n’abâli bîrhu, rhurhanywa idivayi ciru n’eriguma”,

Ezekiyeli 16:11

Wêshi wajagalira enjuma, nakuhira engolo emabo­ko, n’olunigi omu igosi.

Daniyeli 5:16

Na niono nayumvîrhe baderha oku wanahasha okuhugûla ebirhumvikini n’okumanyîsa ebizibuhire. Akabà wankahashisoma ebîra biyandisirwe n’okumpugûlira kwo kuderha kuci, nânakuyambisa ecishûli c’akaduku, nnankuhire olunigi lw’amasholo omu igosi, kandi wanabà we wakasharhu oku bukulu omu bwâmi bwâni.

Daniyeli 5:29

Okubundi Baltazari arhegeka mpu bayambise Daniyeli ecishûli c’akaduku, banacimuyambisa olunigi lw’amasholo omu igosi, kandi banaciyâliza omu cihugo oku ye okola oli wa kasharhu omu bwâmi.

Daniyeli 5:7

Mwâmi anacihamagaza n’izù linene mpu bamulêrhere abalaguzi b’e Kaldeya n’abashonga bâyo; mwâmi abwîra abagula b’e Babiloni, erhi: Ngasi yêshi wakahashinsomera agâla mandiko akanampugûlira oku gadesire, namuyambisa ecishûli c’akaduku, mmuhîre olunigi lw’amasholo omu igosi, nnamujire abè ye wa kasharhu omu bwâmi bwâni.