Mibalè 9:23 - BIBLIYA NTAGATIFU OMU MASHI

²³ Oku irhegeko lya Nyamubâho banagwîka ecihando, n’oku irhegeko lya Nyamubâho banahandûla. Bakazâgishimba irhegeko lya Nyamubâho nk’oku Nyamubâho anarhegekaga Mûsa.

Mibalè 9:23 ပူးပေါင်းရင်းမြစ်များ

Murhondêro 26:5

Kulya kubà Abrahamu ayumvîrhe izù lyâni, akulikira ebi nalimurhegesire okukulikira, amarhegeko gâni, ebinwa byâni, obulonza bwâni.

Ennanga 107:7

Abalangûla enjira nnungêdu, erya yabahisa ahâli enyumpa.

Ennanga 73:24

Wêne walonzize okumpabûla, wêne wâyishir’inyakirira omw’irenge.

Lubungo 17:1

Olubaga lwa bene-Israheli lwoshi lwanacirhenga ebw’irungu lya Sini, lwaharhûla, lwashimba enjira nk’oku Nyakasane anali arhegesire, lwaj’ihanda aha Refidimi; ci aho harhali mîshi ga kunywa.

Izaya 63:14

ci bacîyôrhera nka bishwêkwa byàyandagalira omu lubanda. Omûka gwa Nyakasane gwabahêka ah’iluhûkiro. Ntyo kwo walongoline olubaga lwâwe, mpu lyo izîno lyâwe lij’irenge.

Ezekiyeli 44:8

Murhalangaga amarhegeko gayêrekîre emikolo y’oku bintu byâni bitagatîfu, abîre ebigolo byo muyimanza mpu bibè byo bikazikola omu nyumpa yâni ahâli hinyu.

Zakariya 3:7

«Yumvagya eciragâne ca Nyakasane w’Emirhwe: Okâyumva amarhegeko gâni, okakulikira bwinjà amahano gâni, wâshuba mukulu w’omu nyumpa yâni n’ow’ebyôgo byâyo, nnankuhè ecikono ciyumânîne n’ec’abakâyimanga muno».

Mibalè 10:1

Nyakasane ashambâla na Mûsa amubwîra, erhi:

Mibalè 10:13

Erhi bakola bagenda obwôla bwa burhanzi, bashimba kulya Nyamubâho arhegekaga Mûsa.

Mibalè 9:19

Erhi ecôla citù cankalegamire nsiku nyinji oku Ndâro, bene Israheli banashimbe lirya irhegeko lya Nyamubâho, barhankaciderha mpu babandûla.

Yozwe 22:3

Murhalekêreraga bene winyu mw’ezi nsiku nyinji nyingan’aha, kuhika oku lusiku lw’ene, kandi mwashimba bwinjà irhegeko lya Nyakasane, Nyamuzinda winyu.