Mibalè 7:43 - BIBLIYA NTAGATIFU OMU MASHI

⁴³ Arherekêra enambi y’ecûma c’olunyerere, obuzirho bwâyo bwàli bwa sikêli igana na makumi asharhu, n’akabêhe k’ecûma c’olunyerere, ca sikêli makumi gali nda, omu kugerera oku sikêli y’ahantu himâna, ngasi cirugu càli ciyunjwîre nshâno ya mulà mvange n’amavurha oku nterekêro y’e­ nkalange.

Mibalè 7:43 ပူးပေါင်းရင်းမြစ်များ

Ben Levi 14:10

Olusiku lwa kali munâni anarhôla bâna-buzi babirhi barhalikwo ishembo n’omushîbuzi gwa mwâka muguma gurhaliko ishembo, anarhôle omulà gw’enshâno enozire, mirengo isharhu ya kali ikumi, ebè evanzirwe n’amavurha ga mulengo muguma.

Ben Levi 2:5

Erhi wankahêra omugati gwajiragwa aha lukalango, nagwo gubè gwa nshâno ya mula, mvange n’amavurha buzira lwango.

Mibalè 7:44

Ahirakwo engombo y’amasholo ga sikêli ikumi, eyunjwîre bukù.

Mateyo 14:8

Erhi nnina anarhenzirig’imubwîra obwo, aderha, erhi: «Ompêre oku nambi bona buno irhwe lya Yowane Mubatiza».

Bahabraniya 1:9

Wasimire obushinganyanya, wagaya obubî. Co carhumire Nyamuzinda akushîga amavurha g’o­bwâmi omu bushagaluke, anakurhonya omu binyu boshi, ewe Yâgirwa, Nnâmahanga.

1 Yowane 2:27

Mwêhe, amavurha mwashîgagwa naye gammulimwo, na ntà bulagîrire mugwêrhe bw’okubwîrizibwa n’omuntu. Ci kulya kubà obushîge bwâge bummubwîriza byoshi, na bulya buli bw’okuli burhanali bunywesi, musêrage muli ye nk’oku bammuyigîrizize.