Mibalè 6:22 - BIBLIYA NTAGATIFU OMU MASHI

²² Nyakasane anacishambâza Mûsa amubwîra, erhi:

Mibalè 6:22 ပူးပေါင်းရင်းမြစ်များ

Ben Levi 9:22

Obwo Aroni anacilambûlira amaboko gâge oku lubaga, alugisha, agal’ibunguluka erhi amâhâna enterekêro y’okushukûlwa ebyâha, kuguma n’enterekêro y’okushenga omurhûla.

Mibalè 6:21

“Lyo irhegeko ly’owahânaga eciragâne elyo, lyo n’irhegeko lyâge oku nterekêro ankahà Nyamubâho nk’oku ankanahashibona. Eryo irhegeko aliyûkiriza nka kulya anahânaga eciragâne câge”».

Mibalè 6:23

«Odese Aroni n’abagala, erhi: “Mukola mwagisha bene Israheli mwanababwîra”, erhi:

Lushika 21:5

Abadâhwa bene Levi banayisha; bulya bo Nyamubâho, Nyamuzinda wâwe acîshozire mpu bamukolere banahâne omugisho oku izîno lya Nyamuzinda, n’akanwa kâbo kakazifunga akadali n’okutwa emmanja.