Mibalè 5:3 - BIBLIYA NTAGATIFU OMU MASHI

³ Abè mulume abè mukazi, boshi kukwânîne obalibirhekwo omu cihando, balekihemula ecihando câbo, ecôla cihando ndimo ekarhî kâbo.

Mibalè 5:3 ပူးပေါင်းရင်းမြစ်များ

1 Bâm 7:3

Omu nyanya lyâyo namwo mwâli muyûbasirwe n’esedre, mpaho makumi anni n’irhanu zàli zisimikîre kuli zirya nkingi ikumi n’irhanu oku ngasi mulongo.

Ennanga 68:18

Engâlè za Nyamuzinda bihumbi n’ebihumbi, Nyakasane amâbunguluka oku Siyoni, amâj’omw’idubiro lyâge.

Lubungo 25:8

Onjirire endâro lyo nkazibêra ekarhî kinyu.

Lubungo 29:45

Nabêra ekarhî ka Bene-Israheli, na mbè Nyamuzinda wâbo.

Izaya 12:6

Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.

Ben Levi 14:8

Naye olya washukûlagwa, ayôsire ali wa kushuka myambalo yâge, n’okucîmômêsa enyôya zâge zoshi zoshi z’oku mubiri, n’okucîshuka acè yêshi. Buzinda bw’aho naye akola wa kushubira omu cishagala, ci erhi anaciri wa kuyûsa nsiku nda arhaja nyumpa.

Ben Levi 15:31

Orhonde bene Israheli oku miziro yâbo, lyo bakaz’icisêza, lyo barhag’ifà, erhi eyo miziro erhuma, omu kuhemula endâro yâni eri ekarhî kâbo.

Mibalè 16:3

Bashûbûzanya oku kulongôza Mûsa n’Aroni, banacibabwîra, mpu: «Rhwamarhama ninyu, bulya olubaga lwoshi, abantu boshi bali bimâna, na Nyamubâho ali ekarhî kâbo. Cankarhuma mweki mucikuza enyanya ly’olubaga lwa Nyamubâho?»

Mibalè 19:22

Ehi akahumwakwo oli mugalugalu, nahyo hinabè higalugalu, n’omuntu wankahihumakwo naye anabè mugalugalu kuhika bijingo

Mibalè 35:34

Orhahîra okahemula ecihugo muyûbasiremwo, n’ecihugo niono na mbà nyûbasire ekarhî, bulya nie Nyamubâho mbêra ekarhî ka bene Israheli.

Mibalè 5:4

Bene Israheli banacijira kulya bakazihulusa omu cihando balya Nyakasane anarhegekaga Mûsa boshi, banacijira ntyo bene Israheli.

Lushika 23:14

Omu birugu byâwe, okaziyôrha ogwêrhe olupaho, n’okola wajà muhanda, onarhangihumba n’olupaho na buzinda ogabwikire wenago.

Lushika 23:15

Bulya Nyamubâho, Nyamuzinda wâwe anakazigeragera omu bihando byâwe mpu lyo akulanga anakufumbike abashombanyi bâwe. Kukwaninage ecihando câwe ciyôrhe cicire, akanabugâna muli ehibî obone amacîhindula kuli we.

2 Tesalonika 3:6

Rhummurhegesire, bene wîrhu, oku izîno lya Nyakasane Yezu Kristu, nti muyâke ngasi mwene wîrhu ôbà mwôlo n’orhashimba emigenzo rhwammusigiraga.

Tito 3:10

Naye nyantwâzakwâge, okamukalihira liguma erhi kabiri, onamuyâke.

Mafulûlo 21:27

Murhakajà cihemusire, murhakalabarha muntu okola ebibî erhi oderha obu­nywesi, ci balya bayandisirwe omu citabu c’obuzîne c’Omwâna-buzi bônene.

Mafulûlo 21:3

Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo».