Mibalè 5:27 - BIBLIYA NTAGATIFU OMU MASHI

²⁷ “Hano abà amamunywesa galya mîshi oku bikolaga byayishibà: akabà nyamukazi ahemukîre îba, galya mîshi ganalêrha okuhehêrerwa hano ganamujamwo, ganamululire: enda yâge yanarhunda, emirhibadu yâge yanayuma na oyôla mukazi anabà muhanya omu bene wâbo”.

Mibalè 5:27 ပူးပေါင်းရင်းမြစ်များ

Ennanga 109:18

Obuhanya bumubwîke nka mushangi, bumuje omu nda nka mîshi, bumuje omu njingo nka mavurha.

Muhanûzi 7:26

Ka ntabugâna ebirhalusire olufù bululu: omukazi wa! bulyâla omukazi gubà murhego, n’omurhima gwâge kabà keshe, n’amaboko gâge bubà budagulè: orhînya Nyamuzinda ye fuma abakazi, ci enkola-maligo erhafuma.

Izaya 65:15

Mwâsiga izîno linyu liyôrhe ndahiro y'abîshogwa bâni, bâkaz'iderha, mpu: «Nyakasane Nyamubâho akakurhingamira!» Ci abarhumisi bâge âkabaderha omu lindi izîno.

Yeremiya 24:9

“Nâbajira babè bakushologosa, banabè buhanya oku mâmi g’igulu goshi; cibonya-nshonyi, lwimbo, masheka g’abagera, ihanja ngasi hoshi n’abahabulira”.

Yeremiya 29:18

“Nâbayishakwo lumino­mîno n’engôrho, n’ecizombo n’ecahira; nabajira babè ha côbà oku mâmi g’igulu, ba cibonya-nshonyi, cikango, masheka oku mashanja goshi g’emunda nâbahabulira”.

Yeremiya 29:22

“Barhengakwo omugani gw’okuhehêrera gukazikolêsibwa na balya bo­ hi bahêsirwe mpira, kurhengera Yûda kujà e Babiloni mpu: Nyakasane akujire aka Sidikiyahu na Ahabu, bo bayôcibagwa n’omwâmi w’e Babiloni”.

Yeremiya 42:18

Nêci, ye kudesire Nyakasane w’Emirhwe, Nyamuzinda w’Israheli. Nka kulyâla omutula n’oburhè bwâni byadubukiraga oku bantu b’e Yeruzalemu, kwo n’omutula gwâni gwacîrhulira kuli mwe, mukajà e Mîsiri: mukola mwâbà bashombe, bamubôlwa, balya bahehêrîrwe, balya b’okushekerwa, murhakanacilolakwo eci cihugo.

Yeremiya 44:12

Narhenza omusigala gwa Yûda, gulya gwahigaga okuyisha omu cihugo ca Mîsiri mpu gubêremwo: bahungumukira boshi omu cihugo ca Mîsiri, baholoka n’engôrho, bagukumuka n’ecizombo, abarho n’abà­kulu, bafà n’engôrho bafè n’ecizombo, bâshombwa banakange abagera, bâhehêrerwa banashekerwe.

Zakariya 8:13

Mwe bwâmi bwa Yûda n’obw’Israheli, mwe mwâli nka bahehêrere ekarhî k’amashanja, lêro nkolaga mmugalukîre buno. Mukola mwâbâ lubaga lugishe. Murhaciyôbohaga: Ci musêre, muhire omurhima omu nda!»

Mibalè 5:20

“Ci erhi akabà wabîre mubamba, n’obwôla ogwêrhe balo, wagenda n’owundi mulume”.

Mibalè 5:28

“Ci erhi ankabà nyamukazi ali mwêru kwêru, arhahemukaga, arhankajà kwo iga, anacira, akazinaburha”.

Barom 6:21

Bunguke buci mwabwînage obwo? Buno enshonyi zimmubambisire, bulya obuzinda bw’ebyo byoshi lubà lufù.

2 Bakorinti 2:16

Kuli baguma rhuli kasûnunu ka lufù kahêka ebwa lufù, oku bandi rhuli kasûnunu ka buzîne kahisa oku buzîne. Omukolo mutyo ndi wankaguhasha?

Lushika 28:37

Wâbà birhangâlo; lwimbo na masheka omu mashanja Nyamubâho akuhêka.

2 Petro 2:10

bwenêne balya bashimba iralà ly’omubiri omu kujira eby’enshonyi banagayaguza obukulu bwa Nyakasane. Ci ebyo bikàkà bicîbonyi birhayôboha okulogorhera ebiremwa b’irenge,