Mibalè 4:24 - BIBLIYA NTAGATIFU OMU MASHI

²⁴ Alaga emikolo y’emilala ya bene Gershoni, ebi bakazijira n’ebi bakazibarhula.

Mibalè 4:24 ပူးပေါင်းရင်းမြစ်များ

Mibalè 10:17

Endâro yanacigwikûlwa, bene Gershoni na bene Merari bagendana eyôla Ndâro.

Mibalè 3:25

Oku biyêrekîre ihêma ly’embugânano, bene Gershoni bàli bagwêrhe omukolo gw’Omucîmba n’ogw’ihêma, ogw’enshoho yalyo, akacikirizo kàli aha muhango gw’ihêma ly’embugânano.

Mibalè 3:26

Bàlibagwêrhe omukolo gw’oku birhebo by’omu bululi, oku mushangi gw’aha muhango gw’obululi, oku burhambi bw’Omucîmba koshi n’oku luhêrero n’oku migozi yalo yoshi.

Mibalè 4:15

Hano Aroni n’abagala bayûsa okubwîkira ahimâna n’ebirugu byamwo byoshi, na hano babà bamayimuka bakola bagenda, bene Kehati banayisha okubibarhula, ci barhahumaga oku bintu bimâna lyo balekifià. Byo bene Kehati bakazihêka ebyo omw’Ihêma ly’embugânano.

Mibalè 4:19

Mubajirire ntyo lyo balama balekifa amango bankayegêra ebirugu bimâna bwenêne.

Mibalè 4:23

Ojire omubalè gwâbo, kurhenga oku muntu wa myâka makumi asharhu kuhêka enyanya, muli balya banagwâsirwe okujira mukolo mulebe omw’ihêma ly’embugânano.

Mibalè 4:25

Bakazihêka emikango y’Endâro n’ey’ihêma ly’embugânano.

Mibalè 4:27

Emikolo bene Gershoni bakajira yoshi Aroni n’abagala bo bakaziyilola, ebi bagwâsirwe okubarhula n’ebi bagwâsirwe okujira. Mukabalangisa ngasi birugu banagwâsirwe okubarhula.

Mibalè 4:47

kurhenga oku wa myâka makumi asharhu kuhêka oku myâka makumi arhanu, boshi abakazagikola n’okubarhula omw’lhêma ly’embugânano.

Mibalè 4:49

Babajirira omubalè nk’oku Nyakasane anarhegekaga Mûsa, omu kukazihà ngasi muguma omukolo ali agwâsirwe ajire n’ebi ali agwâsirwe okubarhula. Kwo bajirirwe omubalè ntyo nk’oku Nyakasane anarhegekaga Mûsa.

Mibalè 7:7

Ahâna ngâlè ibirhi na mpanzi ini kuli bene Gershoni, nk’oku amalagîrire g’omukolo gwâbo ganali.