Mibalè 4:14 - BIBLIYA NTAGATIFU OMU MASHI

¹⁴ Banahira oku nyanya birya birugu binakola kuli lwo byoshi, ebitumbûkizo amakala, amakanya, empaho, enyôgero, ebirugu byoshi by’oku luhêrero na hano babà bamalambûlira kuli byo byoshi omufûniko gw’oluhù lw’ecigoho, banahirakwo emirhamba.

Mibalè 4:14 ပူးပေါင်းရင်းမြစ်များ

2 Nganîro 4:19

Salomoni ajira ebyôla birugu byoshi bya okujà omu nyumpa ya Nyamuzinda: Oluhêrero lw’amasholo, amêza bakazihirakwo emigati y’enterekêro;

Lubungo 27:1

Ojire oluhêrero lw’embaho za akasiya: buli bwa makoro arhanu na bugali bwa makoro arhanu; obulî n’obugali bw’oluhêrero binyumanane. Na makoro asharhu burherema.

Lubungo 27:3

Ojire embêhe z’okugukiramwo oluvù lw’oku luhêrero, empaho z’okuguka oluvù, amabakuli, orhukanya n’ebitumbûkizo. Ebyo byoshi obitule n’omulinga.

Mibalè 4:13

Banarhenza oluvù oku luhêrero, kandi banalambûlirakwo omushangi gw’akalinga.

Mibalè 4:15

Hano Aroni n’abagala bayûsa okubwîkira ahimâna n’ebirugu byamwo byoshi, na hano babà bamayimuka bakola bagenda, bene Kehati banayisha okubibarhula, ci barhahumaga oku bintu bimâna lyo balekifià. Byo bene Kehati bakazihêka ebyo omw’Ihêma ly’embugânano.

Mibalè 4:6

Oku nyanya, banabwikira kwo n’omufûniko gw’oluhù lw’ecigoho, kandi banalambûlirakwo omushangi mugumagumà gwa kaduku ka mukara, kandi banashesheza emirhamba y’Omucîmba.