Mibalè 4:11 - BIBLIYA NTAGATIFU OMU MASHI

¹¹ Banalambûlira omushangi gw’akaduku k’omukara oku luhêrero lw’amasholo, kandi banabwikira n’ecifûniko c’oluhù lw’ecigoho, banashesheza n’emirhamba.

Mibalè 4:11 ပူးပေါင်းရင်းမြစ်များ

Lubungo 39:38

Bàmuyêreka oluhêrero lw’amasholo, amavurha gw’okucîshîga, enshangi y’omugavu n’omwenda gw’aha muhango gw’Ecihando.

Lubungo 40:5

Oluhêrero lw’amasholo lw’omugavu olugwîke embere ly’omucîmba gw’Endagâno, onamanike omwenda aha muhango gw’Endâro.

Mibalè 4:10

Hano babà bamaboha ecôla cinâra, kuguma n’orhumole rhwâco, banacihira oku luhù luvunge lulukire oku mirhamba y’okubarhulira.

Mibalè 4:12

Banarhôla ebirugu byoshi bikolêsibwa oku mikolo y’ahantu himâna, hano babà bamabiboha omu mushangi gw’akaduku k’omukara, banabibwîkira n’omufûniko gw’oluhù lw’ecigoho, kandi banabihira oku cibarhuliro.

Mibalè 4:6

Oku nyanya, banabwikira kwo n’omufûniko gw’oluhù lw’ecigoho, kandi banalambûlirakwo omushangi mugumagumà gwa kaduku ka mukara, kandi banashesheza emirhamba y’Omucîmba.

Mafulûlo 8:3

Obwo owundi Malahika ayisha, erhi afumbasire ehijo hy’amasholo. Bamuhà mugavu munji, mpu aguhise haguma n’ensengero z’abatagatîfu boshi oku lûsho lw’amasholo luli aha mbêre z’e­ntebe.