Mibalè 33:2 - BIBLIYA NTAGATIFU OMU MASHI

² Mûsa akazâg’iyandika ahantu bahanzire, n’aha barhenga nk’oku ebihando byâbo byanali; akazishimba irhegeko ahirwe na Nyamubâho. Alaga ebihando byâbo omu kushimba aha banarhengaga hoshi.

Mibalè 33:2 ပူးပေါင်းရင်းမြစ်များ

Lubungo 17:14

Nyakasane anacibwîra Mûsa, erhi: «Oyandike ebyo omu citabu c’okubiyibusa, onabwîre Yozwè oku nâzâza izîno ly’Amaleki lirhacifâga lyàkengîrwe n’igulu.»

Mibalè 10:13

Erhi bakola bagenda obwôla bwa burhanzi, bashimba kulya Nyamubâho arhegekaga Mûsa.

Mibalè 10:6

“Erhi bankashubibûha eyôla mishekera eshakanya obwa kabirhi, balya bahanda olunda lw’emukondwè, banalikûla nabo. Kandi banashubiyibûha eshakanye amango g’okugenda loshi”.

Mibalè 33:1

Alaga ebihando bya bene Israheli erhi barhenga omu cihugo c’e Mîsiri, omu kushimba oku emirhwe yâbo yali, oku burhegesi bwa Mûsa na Aroni.

Mibalè 33:3

Barhenga e Ramsesi omu mwêzi gwa burhanzi, omu nsiku ikumi n’irhanu za ogwôla mwêzi gwa burhanzi. Mwâli omu lusiku lurhanzi lukulikira Basâka erhi bene Israheli barhenga e Mîsiri bagenda bacîshinga, bagera embere z’Abanya-Mîsiri boshi.

Lushika 1:2

Hali lugendo lwa nsiku ikumi na luguma, kurhenga e Horebu, kugera oku ntondo ya Seyiri kuhika e Kadesi-Barnea.

Lushika 10:11

Ci kwône Nyamubâho kandi ambwîra, erhi: «Yimuka oshokolere olubaga bagendiyanka cirya cihugo nalaganyagya bîshe nti nabahâco baciyîmemwo».