Mibalè 3:5 - BIBLIYA NTAGATIFU OMU MASHI

⁵ Nyakasane ashambâza Mûsa, amubwîra, erhi:

Mibalè 3:5 ပူးပေါင်းရင်းမြစ်များ

Yeremiya 33:18

Na ntà mango hâbulike abadâhwa bene Levi bakazintûla enterekêro n’okukazitumbûla enshangi n’okuhêra karhahusa buca buyîra.

Ezekiyeli 44:11

Bakazijà omu cirhînyiro câni, babà barhumisi ba kulanga enyumvi z’enyumpa yâni n’okukazikola omu nyumpa yâni, bwo bakazibâga ahâli h’olu­baga, enyama z’enterekêro y’ensirîra n’oku zindi nterekêro, banakaziyôrha bacîrheganyize okurhumikira olubaga.

Mibalè 18:2

“Ci na bene winyu kuguma, ab’omu bûko bwa Levi, ab’omu mulala gwa sho, obayegeze hôfi nâwe bakazikukolera banakazikurhabâla amango we na bagala bâwe muli omu mirimo yinyu y’omw’Ihêma ly’obuhamîrizi”.

Mibalè 3:4

Nadabu n’Abihu bo bafiraga embere za Nyakasane, amango bacishomagya mpu barherekêra Nyakasane enshangi erhakwânîni oku ntondo ya Sînayi; barhàli baciburha bâna. Eleazari na Itamara bahâbwa obudâhwa embere z’Aroni, îshe wâbo. B. Bene Levi n’omukolo gwâbo

Mibalè 3:6

«Yegeza bene Levi ahâla, obahire embere z’omudâhwa Aroni, bakazimukolera.

Mibalè 8:11

“Aroni anarherekêra bene Levi nka nterekêro ya kumogamogwa embere za Nyamubâho, nterekêro ehûnyirwe na bene Israheli, mpu babè bantu bakukazijira omukolo gwa Nyamubâho”.