Mibalè 3:2 - BIBLIYA NTAGATIFU OMU MASHI

² Alaga amazîno ga bene Aroni: Nadabu lwo lubere lwâge, Abihu, Eleazari na Itamara.

Mibalè 3:2 ပူးပေါင်းရင်းမြစ်များ

1 Nganîro 24:1

Ab’oku bûko bwa Aroni nabo bagabwa omu mirhwe. Aroni àlibusire bâna bâni: Nadabu, Abihu, Eleyazari na Itamara.

1 Nganîro 24:2

Nadabu na Abihu bafà, erhi n’îshe acihali; Eleyazari na Itamara bôhe bàhîrwe ecikono c’obudâhwa.

1 Nganîro 6:3

Bagala ba Kehati, bo: Amuramu, Yishari, Hebroni, Uziyeli.

Lubungo 28:1

Ci w’oyo, muli bene Israheli, oyegeze aha burhambi bwâwe mwene winyu Aroni ye n’abagala, omujire mudâhwa wâni: Aroni, Nadabu, Eleyazari na Itamara, bagala ba Aroni.

Lubungo 6:23

Aroni ayanka omukazi, ye Luzabeti, mwâli wa Aminadabu, mwâli wâbo Nashoni; amuburhakwo Nadabu, Abihu, Eleyazari na Itamara.

Ben Levi 10:1

Bene Aroni: Nadabu na Abihu, banacirhôla ngasi muguma ecitumbûkizo câge bahiramwo omuliro n’erhi babà bamâhira obukù kuli gulya muliro, oku gurhamanyikini gurhanarhegesirwi na Nyakasane bagal’iguhêka embere zâge.

Ben Levi 10:12

Mûsa anacibwîra Aroni, Eliezari na Itamari, bo bâna Aroni alicisigaline, erhi: Muyanke ngasi bisigîre oku nterekêro yajiragwa n’omuliro embere za Nyakasane, mubirye birhanalimwo lwango. Mubilîre embere z’oluhêrero bulya buli bwangà butagatîfu.

Mibalè 26:60

Aroni aburha Nadabu na Abiu, Eleazari na Itamara.