Mibalè 3:16 - BIBLIYA NTAGATIFU OMU MASHI

¹⁶ Mûsa ajira omubalè gwâbo oku irhegeko lya Nyakasane, nk’oku anamurhegekaga.

Mibalè 3:16 ပူးပေါင်းရင်းမြစ်များ

Murhondêro 45:21

Bene Israheli banajira kulya; Yozefu abahà engâlè nk’oku Faraoni mwâmi w’e Mîsiri anarhegekaga, abahà n’olwîko lw’enjira.

Mibalè 3:15

«Ojire omubalè gwa bene Levi nk’oku emilala ya bashakulûza bâbo enagenzire na nk’oku emilala yâbo bône enali. Ojire omubalè gwa ngasi wa bûko mulume yêshi kurhenga oku mwâna wa mwêzi muguma kuhêka enyanya.»

Mibalè 3:17

Alaga bene Levi nk’oku amazîno gâbo ganali: Gershoni, Kehati na Merari.

Mibalè 3:39

Bene Levi baganjagwa na Mûsa haguma n’Aroni oku irhegeko lya Nyakasane, omu kukulikira emilala yâbo, n’omu kuganja abalume kurhenga oku mwânarhabana wa mwêzi muguma kuhêka enyanya, bali bihumbi makumi abirhi na bibirhi. E. Bene Levi n’okugombôlwa kw’ebiburhwa mbêre

Mibalè 3:51

Mûsa anacihà Aroni n’abagala zirya nfaranga z’okugombôla, okw’irhegeko lya Nyakasane nk’oku Nyakasane anali arhegesire Mûsa.

Mibalè 4:27

Emikolo bene Gershoni bakajira yoshi Aroni n’abagala bo bakaziyilola, ebi bagwâsirwe okubarhula n’ebi bagwâsirwe okujira. Mukabalangisa ngasi birugu banagwâsirwe okubarhula.

Mibalè 4:37

Bo baganjirwe b’omu bûko bwa Kehati abôla, bo bakazikola omu Ihêma ly’embugânano, Mûsa n’Aroni babajirira omubalè nk’oku Nyakasane anarhegekaga Mûsa.

Mibalè 4:41

Bo bajirirwe omubalè abôla omu milala ya bene Gershoni, balya boshi banakazâgijira mukolo mulebe omw’Ihêma ly’embugânano. Mûsa na Aroni babajirira omubalè oku irhegeko lya Nyakasane.

Mibalè 4:45

Bo baganjirwe abôla omu milala ya bene Merari bo Mûsa n’Aroni baganjaga abôla oku irhegeko Nyakasane ahâga Mûsa.

Mibalè 4:49

Babajirira omubalè nk’oku Nyakasane anarhegekaga Mûsa, omu kukazihà ngasi muguma omukolo ali agwâsirwe ajire n’ebi ali agwâsirwe okubarhula. Kwo bajirirwe omubalè ntyo nk’oku Nyakasane anarhegekaga Mûsa.

Lushika 21:5

Abadâhwa bene Levi banayisha; bulya bo Nyamubâho, Nyamuzinda wâwe acîshozire mpu bamukolere banahâne omugisho oku izîno lya Nyamuzinda, n’akanwa kâbo kakazifunga akadali n’okutwa emmanja.