Mibalè 28:31 - BIBLIYA NTAGATIFU OMU MASHI

³¹ Mujire ntyo buzira kuleka erya nterekêro y’ensirîra ya ngasi mango, kuguma n’enkalangè yayo. Ezo nyama, zirhabâgakwo ishembo; kandi mwanakazihirakwo enterekêro z’embulagwa.

Mibalè 28:31 ပူးပေါင်းရင်းမြစ်များ

2 Nganîro 35:12

Bahira hâgo hâgo ebihimbi byàli birheganyîbwe oku nterekêro z’ensirîra mpu babihe ebigabi by’emilala y’olubaga, lyo nabo bahasha okubirherekêra Nyamubâho nk’oku binayandisirwe omu citabu ca Mûsa; bajira ntyôla n’oku nkâfu.

Ben Levi 1:3

Enterekêro yâge ekaba ya kusingônolwa, ya cintu cinene, anarhûle empanzi erhalikwo ishembo lici. Anayirherekêre aha lusò lw’akagombe k’endêko, lyo esîmîsa Nyakasane.

Mibalè 28:19

Mwanahâna enterekêro yajirwa n’omuliro, nterekêro ya nsirîra ya Nyamubâho: mpanzi ibirhi ntôrhò, ngandabuzi nguma na bâna-buzi nda ba mwâka muguma barhanagwêrhi ishembo lici.

Mibalè 28:3

Ojibabwîra, erhi: Alagi enterekêro mwakazihà Nyamubâho: A. Enterekêro ya ngasi lusiku Ngasi lusiku: bâna-buzi babirhi ba mwâka muguma; babè barhagwêrhi ishembo, bakazihânwa ngasi mango.

Mibalè 28:30

Mwanarherekêra n’ecihebe oku nterekêro n’okuhyûla kuli mwe.