Mibalè 28:10 - BIBLIYA NTAGATIFU OMU MASHI

¹⁰ Enterekêro y’olwa ngasi Sabato, yakazihirwa oku nterekêro ya ngasi mango n’embulagwa y’okunywa. C. Enterekêro z’omwêzi gwabaluka

Mibalè 28:10 ပူးပေါင်းရင်းမြစ်များ

2 Nganîro 2:4

Enyumpa nayûbaka kukwânîne ebè nyumpa nnene, bulya Nyamuzinda wîrhu ye mukulu kulusha abandi ba nyamuzinda.

2 Nganîro 8:13

akerekera ngasi lusiku ebyali birhegesirwe na Mûsa, kuguma n’oku ngasi Sabato, oku nsiku nkulu z’emyêzi n’ezindi nsiku nkulu, kasharhu omu mwâka, oku nsiku nkulu z’emigati erhalimwo lwango, oku lusiku lukulu lw’emigobe n’oku lusiku lukulu lw’ebigala.

Izaya 1:13

“Muleke okukalêrha entûlo za busha! Omugî gw’enshangi ntacigubonakwo! Emyêzi mihyâhya, esabato n’endêko zinyu, obubî n’ensiku nkulu, ntabikwîrirwa!

Mibalè 28:23

Mwajira ntyo buzira kuleka erya nterekêro y’ensirîra y’esêzi, bulya eri nterekêro y’ensiku zoshi.

Mibalè 28:3

Ojibabwîra, erhi: Alagi enterekêro mwakazihà Nyamubâho: A. Enterekêro ya ngasi lusiku Ngasi lusiku: bâna-buzi babirhi ba mwâka muguma; babè barhagwêrhi ishembo, bakazihânwa ngasi mango.

Mibalè 28:9

Oku lwa Sabato, mwanarherekêra bâna-buzi babirhi ba mwâka muguma, barhabâgakwo ishembo lici; mwanahâna bigabi bibirhi bya enshâno y’omulà, mvange n’amavurha, kuguma n’embulagwa y’okunywa.

Mibalè 29:11

Mwanayûshûlakwo n’ecihebe c’enterekêro y’e­nsirîra y’empyûlo ya ngasi mango, n’enterekêro y’enkalangè yakuja, n’enterekêro z’embulagwa zigwâsirwe okuyushûkakwo. H. Enterekêro oku lusiku lw’Amahêma

Mibalè 29:16

Mwanayûshûlakwo n’ecihebe c’enterekêro oku byâha; buzira kuleka enterekêro y’ensirîra ya ngasi mango n’enterekêro y’enkalangè yakuja kuguma n’enterekêro z’embulagwa zakuja.

Mibalè 29:19

Mwanayûshûlakwo ecihebe c’enterekêro oku byâha, buzira kuleka enterekêro y’ensirîra ya ngasi mango, n’enterekêro y’enkalangè yakuja, kuguma n’enterekêro z’embulagwa zakuja.

Mibalè 29:22

Mwanayûshûlakwo n’ecihebe c’enterekêro oku byâha, buzira kuleka enterekêro y’ensirîra ya ngasi mango, enkalangè ekuja na ey’embulagwa nayo ekuja.

Mibalè 29:25

Mwanayûshûlakwo n’ecihebe c’enterekêro oku byâbà, buzira kuleka enterekêro y’ensirîra ya ngasi mango, ey’enkalangè ekuja na eya embulagwa nayo ekuja.

Mibalè 29:31

Mwanayûshûlakwo n’ecihebe c’enterekêro oku byâha, buzira kuleka enterekêro y’ensirîra ya ngasi mango, ey’enkalangè ekuja n’ey’embulagwa nayo ekuja.

Mibalè 29:34

Mwanayûshûlakwo n’ecihebe c’enterekêro oku byâha, buzira kuleka enterekêro y’ensirîra ya ngasi mango, ey’enkalangè ekuja n’ey’embulagwa nayo ekuja.

Mibalè 29:6

Mwajira ntyo buzira kuyibagira enterekêro y’ensirîra ya ngasi mwêzi, kuguma n’enkalangè yakuja; na buzira kuleka enterekêro y’ensirîra ya ngasi mango n’enterekêro y’enkalangè yakuja, kuguma n’enterekêro z’embulagwa zigwâsirwe okuyushûkakwo nka kulya binarhegesirwe. Ziri nterekêro zakazisingônolwa n’omuliro za kisununu kinjà embere za Nyamubâho. G. Enterekêro oku lusiku lukulu lw’okuhyûla