Mibalè 26:20 - BIBLIYA NTAGATIFU OMU MASHI

²⁰ Alaga bene Yûda, kulya emilala yâbo enali: kuli Shela, omulala gw’Abashela; kuli Peresi, omulala gwa Abaperesi; kuli Zera, omulala gw’Abazera.

Mibalè 26:20 ပူးပေါင်းရင်းမြစ်များ

Murhondêro 38:11

Lêro Yûda anacibwîra omwâli-kazi Tamara, erhi: «Oj’ibêra aha mwinyu nka mukana, kuhika mugala wâni Shela akule». Bulya akazâg’iderha emurhima, erhi: «Kurhakwânîni oyu naye afè aka bakulu bâge». Tamara ashubira aha mw’îshe.

Murhondêro 38:14

Ahogola emyambalo yâge y’obukana, ayambala ecitambara, yêshi acîhundikira bwinjà, aj’itamala aha muhango gw’Enayimi, oku njira ye Timuna. Ali amazânwa n’okubona Shela akola mukulu barhanamuhîri ye mpu amuyanke.

Murhondêro 38:5

Ashubiriza àburha murhabana amuyîrika izîno lya Shela; ho àli aha Kezibu erhi àburha.

Murhondêro 46:12

Bene Yûda: Eri, Onani, Shela, Feresi na Zera; ci kwônene Heri na Onani bali erhi bàfirire e Kanâni. Bene Peresi: bâli Hesroni na Hamuli.

Murhondêro 49:8

Nâwe Yûda, bene winyu banakukuze; okuboko kwâwe kugwarhîre abanzi bâwe aha igosi, bagala ba sho banayuname embere zâwe.

1 Nganîro 4:21

Bagala ba Shela mwene Yûda, bo: Eri, îshe wa Leka, Lada, îshe wa Maresha, haguma n’amûko g’abalusi b’emyenda y’ecitâni ciniole e Bet-A­sheba.

1 Nganîro 9:4

Ab’omu bûko bwa Yûda bàlimwo Utayi, mugala wa Amihudi, naye yêne ali mugala wa Omri, mwinjikulu wa Imri, mwinjikulûza wa Bâni, muntu w’omu bûko bwa Peresi, mugala wa Yûda.

1 Nganîro 9:5

Omu bûko bwa Shela, àlimwo Asaya, nfula y’omulala gwâbo, ye n’abagala.

Nehemiya 11:24

Petahiya mugala wa Meshezabeli, muguma w’omu bene Zera mugala wa Yûda ye wali murhambo wa mwâmi oku biyêrekîre olubaga byoshi.

Nehemiya 11:4

Abayûbakaga e Yeruzalemu, bene Benyamini na bene Yûda. Muli bene Yûda mwâli Ataya, mugala wa Uziya mwâna wa Zakariya mugala wa Amarya; Shefatya mwâna wa Mahalaleel, w’omu bûko bwa Peresi;

Nehemiya 11:6

Omubalè gw’ab’omu nkomôka y’Abaperesi bâli e Yeruzalemu bâli balume magana anni na makumi gali ndarhu na munâni.

Mibalè 26:21

Bene Peresi bâli: Kuli Hesroni, omulala gw’Abahesroni; kuli Hamuli, omulala gw’Abahamuli.

Mateyo 1:3

Yûda anaciburha Fara na Zara kuli Tamari; Fara aburha Hesroni; Hesroni aburha Aramu.

Luka 3:33

mwene-Aminadabu, mwene­ Adimini, mwene-Aramu, mwene-Hesroni, mwene-Faresi, mwene-Yûda, -

Mafulûlo 7:5

Omu bûko bwa Yûda, bihumbi ikumi na bibiri byahebwakwo ecimanyîso; omu bûko bwa Rubeni, bihumbi ikumi na bibiri; omu bûko bwa Gadi, bihumbi ikumi na bibiri,