Mibalè 25:4 - BIBLIYA NTAGATIFU OMU MASHI

⁴ Nyamubâho anacibwîra Mûsa, erhi: «Oshubûze abarhambo b’olubaga boshi. Obamanikire Nyamubâho embere ly’izûba, lyo oburhè bunji bwa Nyamuzinda buzima kuli bene Israheli.»

Mibalè 25:4 ပူးပေါင်းရင်းမြစ်များ

2 Samweli 21:6

Kuziga kukwânîne barhuhe bantu nda b’omu bâna bâge, rhubamanikire aha Gabaoni, embere za Nyamubâho, oku ntondo ya Nyamubâho». Nnakuno ashuza erhi: «Nnamubâbo».

2 Samweli 21:9

anacibahà abôla bantu b’e Gabaoni, nabo bagend’ibamanika oku ntondo, embere za Nyamubâho. Abo bantu nda bayîrhwa boshi caligumiza, bafâga omu nsiku ntangiriza z’okusârûla emburho, erhi barhangira okurhema engano.

Ennanga 106:29

Bamushonza obwo n’amabî gâbo, lêro obuhanya bwabajakwo.

Lubungo 18:25

Muli Bene-Israheli boshi, Mûsa àcîshogamwo abalume b’entwâli, abajira barhambo b’olubaga: barhambo ba bihumbi, barhambo ba magana, barhambo ba makumi arhanu-arhanu na barhambo b’ikumi-ikumi.

Yônà 3:9

Ndi omanyire erhi Nnâmahanga arhankashukira ashube okuboko, aleke obukunizi bwâge arhuyôkole?»

Mibalè 25:11

Pinehasi, mwene Eleazari, mugala w’omudâhwa Aroni ye orhumire oburhè bwâni burhûlirira kuli bene Israheli, bulya analigwêrhwe n’omutula gwâni ekarhî ka bene Israheli; ye warhumire muli ogwo mutula gwâni ntamalìra bene Israheli.

Mibalè 25:18

bulya bo bâli barhangiriza okummuyabûsa, omu bwengehusi bwâbo mwa birya bya Peori na mwa birya bya Kozbi, mwâli w’omurhambo w’e Madiani, olya wayîrhagwa olusiku lw’obuhanya Peori alêrhaga.

Lushika 13:11

“Mabuye wamubanda kuhika afè; bulyâla ali alonzize okukucîka kuli Nyamubâho, Nyamuzinda wâwe, wakurhenzagya e Mîsiri, omu nyumpa y’obujà”.

Lushika 13:13

“Erhi wakayumva baderha mpu murhundu muguma mw’erya Nyamubâho, Nyamuzinda wâwe àkuhâga mpu obêremo”,

Lushika 13:15

“ago mango onalole ehyo hibanja bwinjà odôse ciru onadôkereze. Kukaboneka oku nêci kwo binali ntyôla, na ntâco cirhindizize obwo bubî bwanajizirwe emwâwe”,

Lushika 13:17

“ebyakanyagwa byoshi, onabilunde omu ngo y’emuhanda, omurhundu oguyôkere kuguma n’eminyago yago yoshi, gwoshi ogurhûle Nyamubâho, Nyamuzinda wâwe. Gushube bigûkà by’ensiku zoshi birhaciyûbakwe”.

Lushika 21:22

Erhi omuntu akabà anajizire ecâha cirya cakarhuma bamutwîra okufà, erhi akanaba nêci bamuyisire bamumanika oku murhi,

Lushika 21:23

orhahîraga okaleka omurhumba gwâge gwalâla oku murhi, ci onamubishe olwo lusiku Lonêne, bulyâla owamanisirwe bukola buhanya bw’emwa Nyamuzinda, orhakanacîshomya mpu wahemula ishwa Nyamubâho, Nyamuzinda akushobôza mpu oliyimemwo.

Lushika 4:3

Mwacibwinire mwene n’amasù ginyu ehi Nyamubâho akolîre Balu-Peori: ngasi yêshi wakulikîre Baal-Peori, Nyamubâho amuherêrekeza ekarhî kâwe;

Yozwe 22:17

“Ka mubwîne oku buli bunyi kuli rhwe, bulya buhanya bw’aha Peori, buhanya obu ciru rhurhacicîcêsa bwo kuhika oku lusiku lw’ene, cirya cibande cajakwo embugânano ya Nyakasane”,

Yozwe 23:2

Yozwè anacihamagala bene Israheli boshi, n’abagula bâbo n’abarhambo bâbo n’abacîranuzi bâbo na ngasi bandi bâli bagwêrhe ecikono anababwîra, erhi: «Niono nkola nshosihîre, nankola nzidohirwe n’e­myâka;