Mibalè 24:8 - BIBLIYA NTAGATIFU OMU MASHI

⁸ Nyamuzinda amurhenza e Mîsiri: amuhà emisî eri nka ya mbogo. Yamalîra amashanja gashingalala embere zâge. Yabavunangula orhuvuha, anabatyabule n’emyampi yâge.

Mibalè 24:8 ပူးပေါင်းရင်းမြစ်များ

Ennanga 2:9

«Wabamalîra n’engôrho yâwe», «onabavungunyule nka mubumbi wabera enyungu.»

Ennanga 21:12

Ciru bankaja migabo y’okukujira kubî, ciru bankajira amenge, barhankakuhasha.

Ennanga 45:5

Ofôle onagende otamîre oku ndogomi, okanye oj’ilwîra oburhabêsha n’obushinganyanya: okulyo kwâwe bwinjà kufôla.

Ennanga 45:6

Emyampi yâwe erhahimwa bwôji; wabona oku amashanja gàyisha gal’ikushiga, n’abashomba mwâmi barhibe omurhima.

Lubungo 23:22

“Okâyumvirhiza izù lyâge onakâjira ebi ndesire byoshi, nâbà mwânzi w’abanzi bâwe na mushombanyi w’abashombanyi bâwe”.

Izaya 38:13

Kuhika sêzi erhi kuyâma ndwîrhe nayâma. Nka kula entale enajira, kwo (Nyakasane) adwîrhe akugurha orhuvuha rhwâni rhwoshi. Kurhenga sêzi kuhika budufu erhi mîra wammalîraga.

Yeremiya 50:17

“Israheli ali akola ayôsire nka bibuzi bihezire, byajà byahivwa n’entale. Omurhanzirhanzi wabirirekwo ali mwâmi w’e Asûru. Enyuma z’okwo, ayisha mwâmi Nabukondonozori w’e Babiloni, amubederhera orhuvuha”.

Yeremiya 50:9

“Bulya nkola nâhamagala omurhwe gw’amashanja manene guyishirhêra Babiloni. Abo bantu bayisha kurhenga omu cihugo ca njira nyanya, bagorhe Babiloni banamugwârhe. Emyampi yâbo erhagaluke cîru, nka kula omusirika w’entwâli arhagaluka maboko mûmu”.

Daniyeli 6:24

Okubundi mwâmi ashagaluka yêshi yêshi erhi Daniyeli orhuma, anacirhegeka mpu bakûle Daniyeli mulya bulumba bw’entale. Banacikûla Daniyeli mulya bulumba, barhabonaga kuli ye ciru n’ecibande ciguma, ebwa kubà alicikubagire Nyamuzinda.

Mibalè 14:9

Ci kwônene murhahîra mukagomera Nyamubâho, murhanayôbohaga abantu abantu bali muli ecôla cihugo, bulya rhwabahungumula, owakazâgibalanga acîyegwîre kuli bo, na Nyamubâho ali haguma nîrhu, murhabayobôhe.»

Mibalè 21:5

Lwanacirhondêra okucîdudumira Nyamuzinda na Mûsa, lwakaziderha, erhi: «Carhumaga warhukûla e Mîsiri mpu rhuyishifira muno irungu? Ntà mugati, ntà mîshi, rhwanayihisirwe n’ebi biryo b’ishali».

Mibalè 23:22

Nyamuzinda wamukulaga e Mîsiri, emisî yâge eri ya mbogo.

Mibalè 23:24

Lolà olubaga lwacinânûla nka ntale nkazi, lwamacûka nka ntale ndume; erhahunga erhanacishanshanyula nsimba yayo, n’okunywa omukò gw’ebi yanigaga.

Mateyo 2:15

Abêrayo kuhika Herodi afà; mpu lyo ebi Nyakasane aderhezagya omulêbi biyunjula, erhi: Nahamagîre Omwâna wâni arhenge e Mîsiri.

Lushika 32:23

Nabalashirakwo amahanya, nabayukizakwo emyampi yâni.

Lushika 32:42

Emyampi yâni nayilalusa n’omukò, n’engôrho yâni yavûgusa enyama: mukò gwababanzirwe n’abagwêrhe mpira, mpanga z’abarhambo b’omushombanyi!

Lushika 7:1

Amango Nyamubâho, Nyamuzinda wâwe abà amakuhisa muli eci cihugo wagendiyanka, n’amango wâbà wamakungush amashanja manji: Abahititi, Abagirgashi, Abamoriti, Abanyakanani, Abaperizi, Abahiviti, n’Abayebuseni, mashanja nda na mazibu kululusha,

Yozwe 2:10

Bulya rhwayumvîrhe kurhi, amango mwarhengaga e Mîsiri, Nyakasane ayumagya erya nyanja ndukula, rhwanayumvîrhe kurhi mwajirîre balya bâmi babiri b’e Moreni, olundi lunda lw’ishiriza lya Yordani, abo bâmi ali Sihoni na Ogu, balya mwaherêrekezagya.