Mibalè 24:6 - BIBLIYA NTAGATIFU OMU MASHI

⁶ Nka kula orhubanda rhulanduka, nka kula amashwa mahinge oku lwîshi, nka binûsi Nyamubâho arhwêraga, nka kula emiyerezi elandira oku burhambi bw’amîshi.

Mibalè 24:6 ပူးပေါင်းရင်းမြစ်များ

Murhondêro 13:10

Loti ayînamula amasù, abona olubanda lwa Yordani lwàli ludômerirwe bwinjà hoshi. Okwo kwabâga embere Nyamubâho ashâbe Sodomo na Gomora, olwo lubanda kwo lwàli nka busâni bwa Nyamubâho, nk’ecihugo c’e Mîsiri kujà elunda lw’e Sowari.

Ennanga 1:3

Kwo agandâza nka murhi gumezire aha cikunguzo c’olwîshi, guyêrakwo emburho amango gâgwo, gunayôrha guyinjihire. Na ngasi hyoshi ajira kubêra himubêra.

Ennanga 104:16

Emirhi ya Nyakasane, enduluma z’e Libano agwîkaga yêne, kulya zirya ziyigurhe.

Ennanga 45:8

Orhahimwa kurhonya obushinganyanya, orhanakwîrirwa bulyâlya, Nyamuzinda wâwe akushîga amavurha g’enshagali wêne omu binyu.

Lwimbo 6:11

Nayandagalira omu busâni bw’amalehe nti ndole oku emburho yamera omu lubanda, nti ndole oku emizâbîbu yashabuka nti ndole erhi emirehe ekola yâyâsa.

Izaya 41:19

Omu irungu narhwêramwo emirhi mirîmirî, ey’akasiya, ey’omugorhi n’ey’omuzêti. Omu bulambo nahiramwo ensindani haguma n’orhushingishingi n’emikalakala,

Izaya 58:11

Nyakasane ânakaz’ikushokolera ngasi mango ânakuyiguse omu irungu; anakomeza amavuha gâwe, obè nk’ishwa lidômerîrwe na nk’iriba lirhahubamwo mîshi.

Yeremiya 17:18

Enshonyi zigwârhe abashombanyi bâni; ci niehe zirhangwârhe Bajemwo ecikango, ci niehe cirhanjagamwo. Obarhogezekwo olusiku luminya.

Yeremiya 31:12

“Bayîshiyîsha, n’orhuhababo rhw’enshagali oku ntondo ye Siyoni, n’okulibirhira caligumiza ebw’ebi Nyakasane abashobôzize: e­ngano, idivayi lyacikandagwa, n’amavurha, ebibuzi n’enkafu; bayîshiyôrha nk’ishwa ly’omu luziba, barhakacishalika bundi”.

Ezekiyeli 47:12

Eburhambi bw’olwôla lwîshi, oku ngasi cikwi, kwâmera emirhi y’amalehe ga ngasi lubero, n’ebyâsi by’eyôla mi­erhi birhâyumaga, n’amalehe garhâbulikanagakwo. Ngasi mwêzi yakazâg’iyâna amalehe mahyâhya, ebwa kubà agôla mîshi gakazirhenga omu ka-Nyamuzinda; amalehe gâyo, byâbà biryo binjà bwenêne, n’ebyâsi byâbà bufumu.

Mibalè 24:5

Alà oku gayinjiha amahêma gâwe Yakôbo! n’enyumpa zâwe, Israheli!