Mibalè 23:7 - BIBLIYA NTAGATIFU OMU MASHI

⁷ Anaciderha binôla binwa, erhi: «Balaka anacintenza e Arami, Omwâmi w’e Mowabu anantenzize omu birhondo by’e Buzûka-zûba, ampûna erhi: Oyîshe ompehêrerere Yakôbo! Oyîshe ofûhire Israheli!»

Mibalè 23:7 ပူးပေါင်းရင်းမြစ်များ

Murhondêro 10:22

Semu ye burha Elami, Asuri, Aripakisadi, Ludi na Arami.

Murhondêro 28:2

Yimuka ojè e Padani Aramu emwa Betweli, îshe wa nyoko, ocîshoge omukazi eyo munda omu banyere ba Labani, mushinja wâbo nyoko.

Murhondêro 28:7

Na Yakôbo àli ayumvîrhe îshe na nnina, ajà e Padani Aramu.

2 Samweli 21:21

Anacijacira Israheli ci Yehonatani, mugala wa Shimeyi w’omu bûko bwa bene wâbo Daudi amuyîrha.

2 Samweli 23:9

Enyuma zâge akuheba Eleyazari, mugala wa Dodo munya-Ahohiti, muguma wa muli zirya ntwâli isharhu za Daudi amango bashandabanyagya Abafilistini, abâli batwîre olugerêro mpu balwîse bene Israheli aha Pasi-Damimu.

Ayubu 27:1

Ayubu ashubiyûshûla ebinwa byâge aderha, erhi:

Ayubu 29:1

Ayubu anaciyûshûla ebinwa byâge omu migani, aderha, erhi:

Ennanga 49:5

Nkola nayanka okurhwiri kwâni nkurhege omugani, nyanke omusi gw’olulanga nyimbirekwo omugani gwâni.

Ennanga 78:2

Nkola nabumbûla akanwa, nkola nâtwa emigani, nkola nâbasa agàli mahwe kurhenga mîra.

Migani 26:2

Kula akafûnzi kaburuduka, na kulîra ehiremberembe hiheneka, kwo n’enfûlago y’obumâma egenda ciru.

Ezekiyeli 17:2

Mwene omuntu, otwe omugani onahâne olwiganyo oku mulala gw’Israheli;

Ezekiyeli 20:49

Nanaciderha, nti: Mâshi! Nyakasane Nyamubâho, badwîrhe baderha, mpu: Lolà ye kandi! Yoyo odwîrhe ashubirira okuderha ebinwa.

Mikeyo 2:4

“Olwo lusiku mwatwîrwakwo omugani. Mwayimbirwakwo enkumbu, bâyishikâderha mpu: Mwanyazirwe lwoshi lwoshi. Ebirugu by’olubaga lwa Nyakasane bikola omu maboko g’abandi. Israheli bamuhivire omu ishwa lyâge, lidwîrhe lyagabirwa abapagani”.

Habakuki 2:6

Ebihugo byàhimirwe byâlungana haguma, bibalerenganyekwo ebijâci. Byayish’iderha, erhi: I «Muli bahanya mwe mugalira okuzimba, n’okurhôla ebirugu bya bene oku cikinja!

Mibalè 22:11

Lolà olubaga lwarhenga e Mîsiri, lubumbire ecihugo coshi. Oyîshe, mâshi obahehêrere, lyoki nankahashilulwîsa, nandulibirhekwo.»

Mibalè 22:17

“Bulya nakuhemba kulya kunakukwânîne, nankuhè ngasi ebi wankanampûna byoshi. Ci oyîshe, nkusengîre, ohehêrere olu lubaga”».

Mibalè 23:18

Kandi Balâmu anaciderha ebi binwa, erhi: «Yimuka Balaka, onayumve, ntega okurhwiri, mwene Sipori».

Mibalè 23:6

Balâmu anacishubira emunda ali ashimâna anaciyimanzire aha nterekêro yâge, yo n’abaluzi ba Mowabu boshi.

Mibalè 24:15

Okuhandi anaciderha ebi binwa, erhi: Bugeramwa bwa Balâmu mwene Beori, bugeramwa bw’omuntu wanizire isù,

Mibalè 24:21

Balâmu anacibona bene Keneti, anaciderha, erhi: Aha mwinyu bahazibuhize, ewe Kayini, n’enyumpa zinyu ziri nyûbake oku ibuye.

Mibalè 24:23

Balâmu ashubirira aderha ebi binwa, erhi: Aye, amashanja g’emashinji gabugânana emwênè,

Mibalè 24:3

aderha ecinwa câge, erhi: Obugeremwa bwa Balâmu mwene Beori, Obugeremwa bwa omuntu onizire isù,

Mateyo 13:33

Anacibabwîra ogundi mugani, erhi: «Obwâmi bw’empingu bwanagererwa oku lwango omukazi ayankaga, aluheba omu nshâno yankayigusa balume basharhu: yabumbugurha yoshi».

Mateyo 13:35

Mpu lyo kuyunjula okwaderhagwa n’omulêbi, erhi: Omu kanwa kâni mwakarhenga emigani, kakafulûla ebyàfulisirwe kurhenga okulemwa kw’igulu.

Marko 12:12

Balonza oku bamugwârha, ci bayôboha olubaga; bulya bâli bayumvîrhe oku ogwo mugani bo guyêrekîre. Banacimuleka, bagenda.

Lushika 23:4

Omuamoriti n’Omwabiti barhayêmêrerwe okujà omu ndêko ya Nyamuzinda, ciru kuhika oku iburha lyâbo lya kali ikumi, ntâye wayêmêrerwe okujà omu ndêko ya Nyamuzinda, ciru n’eriguma.

1 Samweli 17:10

Olya mufilistini anaciderha, erhi: «Niono namajacira ene emirhwe y'Israheli. Mpâga omuntu nalwa rhwe naye yêne».

1 Samweli 17:36

Mwambali wâwe ayîsire entale n’akakiri n’ecôla cirhîndi c’omufilistini cirhakembûlagwa nacinigûza nka okunigûza ngasi nguma muli ezôla nsimba, bulya anajacîre engabo ya Nyamuzinda Ozîne».

1 Samweli 17:45

Naye Daudi ashuza olya mufilistini, erhi: «W’oyo onyishire n’engôrho, itumu n’omuherho; ci niono ntabîre oku izîno lya Nyamubâho w’emirhwe, ye Nyamuzinda w’abarhabâzi b’e Israheli okazigayaguza.