Mibalè 23:19 - BIBLIYA NTAGATIFU OMU MASHI

¹⁹ Nyamuzinda arhabà muntu okazinywerha arhali mwene Adamu okazicîyunjuza. Ka ye oderha kône arhanajire cici? Ka ye oderha akanwa karhanabè kulya anaderhaga?

Mibalè 23:19 ပူးပေါင်းရင်းမြစ်များ

Murhondêro 26:3

Obêre muli eco cihugo, nakugisha nanyorhe ndi haguma nâwe. Bulya we n’iburha lyâwe mwe nahà ebi bihugo byoshi, nasêza n’erya ndagâno nafundikaga rhwe na sho Abrahamu.

Murhondêro 28:15

Ndi haguma na nâwe, nakulusa ngasi hoshi wankanaja, nanashub’ikugalula muli eci cihugo, bulya ntakuleke kuhika nyujuze ebi nakulaganyagya».

1 Bâm 14:11

“Ngasi w’omu bûko bwa Yerobwâmi wankanafîra omu nyumpa, alîbwa n’orhubwa, na ngasi wankanafîra omu mpinga, alîbwa n’enyunyi z’emalunga bulya Nyakasane okudesire”.

2 Bâm 15:12

Nyamubâho ali amabwîra Yehu akâla kanwa erhi: «Bagala bâwe, kuhika oku iburha lya kani, bayîma oku ntebe y’o bwâmi bw’Israheli. Kwo byanabire».

2 Bâm 7:2

Murhambo muguma w’abasirika oyu mwâmi ali agwârhirîzekwo anaciderha, abwîra omuntu wa Nyamuzinda erhi: «Lolà, Nyamubâho, ka anajira orhubonezo omu malunga, ka okola kwanahashikana»? Elishaʿ anacimushuza erhi: «Alà oku wabona n’amasù gâwe ci konene orhabiryekwo».

1 Nganîro 17:17

“Ci kwône wêhe, Nyakasane wabona oku arhali hoshi aho. Alaga oku wamalinda ojira n’amalaganyo oku mulala gwâni omu nsiku zayisha, wanjirira nka kuno nâni nankabîre muntu wa kuderhwa”.

Ennanga 110:4

Nyakasane acîgashire arhanatwe omu kanwa kâge: «Oli mudâhwa w’ensiku n’amango kulya kwa Melkisedeki.»

Ennanga 132:11

Nyakasane alahirîre Daudi, àmulaganya endagâno y’enkwîra, eryâla erhatûbwamwo, erhi: «Mwâna ôburha nâtamaza oku ntebe yâwe.»

Ennanga 77:9

Kàli rhwanatûhirage lwoshi omu masù gâge, n’omulagi àrhulaganyagya ntà mwâna wîrhu wâciguhikekwo.

Ennanga 89:34

ci oburhonyi bwâni ntâmunyagebwo, n’endagâno yâni ntayitwemwo.

Ennanga 89:35

Eciragâne câni ntacivunè, n’akanwa nadesire ntâkatwemwo.

Izaya 21:17

Na muli gulya mwandu gw’entwâli z’abalwî b’emiherho b’e Kedari, mâhunga gône gâsigala, bulya Nyakasane Nyamuzinda w’Israheli okudesire».

Izaya 31:2

Nobwo naye abà murhimanya: anahash’ilêrha obuhanya, arhanashuba omu kanwa kâge! Azûka, âhagalike ogwo murhwe gw’abantu babî n’oburhabâle bwa banyankola-maligo.

Izaya 40:8

Ehyâsi kuyûma hiyuma, obwâso kugokomba bugokomba, ci akanwa ka Nyamuzinda wîrhu kayôrha kahabà ensiku n’amango».

Izaya 46:11

Kurhenga ebushoshôkero bw’izûba, nâhamagala enyunda, na kurhenga ecihugo c’ihanga, omuntu wâyukiriza emihigo yâni. Oku nadesire kwo nnanjira, Oku mpiga kwo nnanyûkiriza.

Izaya 55:11

ntyo kwo nalo luli oluderho lurhenga omu kanwa kâni: lurhankangalukira busha, ci lwanajira eci nalonzagya, lunayûkirize oku lwarhumagwa.

Yeremiya 4:28

Kuli okwo, igulu lyâjira emishîbo n’amalunga gali enyanya gâjamwo omwizimya bulyâla nadesire ntânacigalule akanwa nafundisire ntanacifundûle.

Daniyeli 4:28

Oku acidwîrhe aderha ntyâla izù lyanacihona empingu lyanaciderha erhi: «Wàbwîzirwe wâni mwâmi Nabukondonozori oku obwâmi bwâwe bwakunyazirwe,

Hozeya 11:9

Ntàciyuklriza obukunizi bwâni, lêro ntacishàbe Efrayimu, bulya ndi Nyamuzinda, ci ntali muntu ekarhl kawe, ndî yo Mwimâna, ntâyishe n’oburhè.

Mikeyo 7:20

Oyêreke Yakôbo obudahemuka bwâwe, n’Abrahamu omubêre lukogo lulya wacîgashiraga balarha kurhenga mîra.

Habakuki 2:3

“Ebyo nkufulûlîre amango byabâmwo garhacihika, ci kwône byâyish’iyalagala omu mango gâbyo. Obilinde kwône onabilembere ciru wa­nkabona nka bilegamire: ebi ndesire byâyisha ho n’aho buzira kulega­ma”.

Malakiya 3:6

Niono, Nyakasane, ntahinduka. Ninyu, murhankaleka okubà iburha ly’okunali lya Yakôbo.

Mibalè 14:35

Niono nie Nyamubâho, nkudesire! Alaga oku najirira eyi ndêko mbî yacîhindulaga kuli nie: boshi bahwêra munôla irungu, mwo bafîra.»

Mibalè 23:18

Kandi Balâmu anaciderha ebi binwa, erhi: «Yimuka Balaka, onayumve, ntega okurhwiri, mwene Sipori».

Luka 21:33

Irunga n’igulu byâgere, ci ebinwa byâni birhakagera.»

Barom 11:29

Bulya Nyamuzinda akashobôza omuntu n’akamuhamagala, arhacigalula akanwa kâge.

Barom 9:6

Arhali kuderha oku akanwa ka Nyamuzinda kakubire; bulya arhali ababurhagwa n’Israheli boshi bo bene-Israheli,

2 Timoteyo 2:13

Erhi rhwankabula bwayêmêra, yêhe ntà mango ankatwa omu kanwa kâge; bulya arhankacîhakana yêne.

Tito 1:2

erhi kulangâlira obuzîne bw’ensiku n’amango kurhuma, nk’oku Nnâmahanga orhankarhebana a­rhulaganyagya kurhenga ensiku n’amango,

Bahabraniya 6:18

mpu lyo ebyo bijiro bibiri birhankahinduka -na ntâkwo Nyamuzinda ankahash’inywerha muli byo- birhukomeza omurhima rhwe rhwabwîne olwâkiro omu kusêra oku bulangâlire rhwahâbirwe.

Bahabraniya 7:21

ci yêhe Owamuhâga obudâhwa àcîgasha, erhi: Nyakasane àcîgashire, arhakanagalula akanwa kâge: Oli mudâhwa w’e­nsiku n’amango.

Yakôbo 1:17

Ngasi ngalo nyinjà na ngasi nshôkano nkana bihubuka enyanya, birhenga emwa Nn’obulangashane, orhahinduka n’orhayishi cihôho ca muhindulo,

Yakôbo 4:5

Ka mwêhe mumanyire mpu Amandiko busha gaderhîre, mpu: «Omûka arhuhiragamwo, Nyamuzinda aguzigira n’obuyâgalwa?»

Yozwe 21:45

Omu binwa by’obwangà Nyakasane asuhira­ga bene Israheli boshi ntâco cabulikîne: byoshi byanayunjula.

1 Samweli 15:29

Ci omanye oku irenge lya Israheli lirhankacirheba lirhankanacîyûnjuza, bulya arhali muntu, olya yeki ogwâsirwe okucîyûnjuza.

1 Samweli 3:12

Muli agôla mango, nanajirira Eli birya byoshi nanamubwîraga oku byahonera enyumpa yâge, nanabirhôndêra nambiyukirize lwoshi.