Mibalè 23:10 - BIBLIYA NTAGATIFU OMU MASHI

¹⁰ Ndi wankaganja entuliri ya Yakôbo, ndi wankaberûla enkûmo y’Israheli? Mbofa nk’abashinganyanya, n’akalamo kâni kaboyûrha aka akâbo!

Mibalè 23:10 ပူးပေါင်းရင်းမြစ်များ

Murhondêro 13:16

Iburha lyâwe najira hyôloloke liluge nka katulo k’okw’idaho: owakahash’iganja emogomogo z’akatulo k’okw’idaho ye wanahash’iganja iburha lyâwe.

Murhondêro 22:17

"nkolaga nakuyunjuza migisho, iburha lyâwe naliluza nka nyenyêzi z’oku nkuba na nka mushenyi gw’omu nyanja n’eryo iburha lyâwe lyakâhima omuhango gw’abashombanyi bâlyo".

Murhondêro 28:14

Iburha lyâwe lyaluga nka katulo k’oku idaho, lyaluga lihike ebushoshôkero n’ebuzikiro, e mwênè n’e mukondwè, n’amashanja goshi g’igulu gagishwa muli eryo iburha lyâwe.

Ennanga 37:37

Orhang’ilola omuntu mwinjà, olâbe entagengwa, mulume nkana osiga enfula.

Migani 14:32

Omumînya bumînya bwâge bunamulembika, omushinganyanya yêhe omu budahemuka mwo ashànga olwâkiro.

Mibalè 2:16

Boshi abâli oku cihando ca Rubeni, omubalè gwâbo: bihumbi igana na makumi arhanu na ciguma na bantu magana anni na makumi arhanu. Abôla bakazigenda bwa kabirhi.

Mibalè 2:24

Boshi abâli oku cihando ca Efrayimu, omubalè gwâbo bihumbi igana na munâni na bantu igana, nk’oku emirhwe yâbo enali. Abôla bakazigenda ba kasharhu.

Mibalè 2:31

Boshi abaganjirwe omu cihando ca Dani, omubalè gwâbo bali bihumbi igana na makumi arhanu na nda na magana gali ndarhu. Bakazigenda ba buzinda, banakulikire ibendêra lyâbo.

Mibalè 2:9

Boshi abâli oku cihando ca Yûda, omubalè gwâbo bihumbi igana na makumi gali munâni na ndarhu na bantu magana anni. Abôla bakazigenda embere.

Mibalè 31:8

Bayîrha n’abâmi b’e Madiani; bo: Evi, Rekemi, Suri, Huru na Reba, bâmi barhanu b’e Madiani. Balâmu mwene Beori naye bamufu­nda engôrho.

2 Bakorinti 5:1

Rhumanyire oku erhi eci cihando rhubâmwo hano igulu cankashabûka, rhugwêrhe enyumpa yayûbakagwa na Nyamuzinda, mûbako gw’ensiku n’amango gurhàjiragwa na nfune za muntu, gunali omu irunga.

Mafulûlo 14:13

Okuhandi nanaciyumva izù lyarhenga emalunga, erhi: «Yandika: Iragi lyâbo abafù muli Nyakasane! Nêci, kwo Mûka adesire, bacîluhûkirage omu miruho yâbo; bulya ebijiro byâbo bibakulikîre».