Mibalè 22:8 - BIBLIYA NTAGATIFU OMU MASHI

⁸ Anacibashuza, erhi: «Mulâle hano, nyishibaha ishuzo nk’oku Nyamubâho akanambwîra.» Abo baluzi b’e Mowabu banacihanda aha mwa Balâmu.

Mibalè 22:8 ပူးပေါင်းရင်းမြစ်များ

1 Bâm 13:8

Olya muntu wa Nyamuzinda anacishuza mwâmi, erhi: «Ciru wakampà oluhande lw’enyumpa yâwe ntankajamwo rhweshi, ntankanalyamwo akantu ciru amîshi go manyi;

1 Bâm 22:14

Mikeyo anacishuza, erhi: «Alame Nyakasane! Oku Nyakasane akanambwîra kwo nakanayîsh’iderha!»

Yeremiya 12:2

Nabagwîsire bànamera emizî, kukula bakûla na malehe bayâna. Hôfi ôbà n’akanwa kâbo, cikwône kuli n’ensiko zâbo.

Ezekiyeli 33:31

“Balundûkîre emwâwe; olubaga lwâni lwamâbwârhala embere zâwe; badwîrhe bayumvîrhiza ebinwa byâwe barhanabishimbe; bânajire birya biri binjà omu kanwa kâbo; omurhima gwâbo bunguke bône guharhira”.

Mibalè 12:6

Anacibabwîra, erhi: «Yumvi bwinjà ebinwa byâni: “Akabà hali mulêbi wa Nyamubâho mugwêrhe, omu bilôrho mwo ncîmanyisa emwâge, omu bilôrho mmuderhegeza”.

Mibalè 22:18

Balâmu anacishuza balya bambali ba Balaka erhi: «Ciru Balaka akampa enyumpa yâge eyunjwîre nfaranga na masholo, ntà mango nvune irhegeko lya Nyamubâho, Nyamuzinda wâni, omu cijiro cisungunu erhi cinene.

Mibalè 22:38

Balâmu anacishuza Balaka, erhi: «Sinza, niono nyishire emunda oli, ka nankaderhaga akanwa? Oluderho Nyamubâho ahira omu kanwa kâni lwo nanaderha.»

Mibalè 22:7

Abashamuka ba Mowabu n’abashamuka ba Madiani banacihira njira, banadwîrhe oluhembo bayishiha omushonga. Oku barhinda aha mwa Balâmu, banacimurhondêreza ebinwa bya Balaka.

Mibalè 22:9

Nyamubâho anaciyagâna Balâmu, amubwîra, erhi: «Bantu baci bala bali aha mwâwe»?

Mibalè 23:12

Balâmu ashuza, erhi: «Ka ntagwâsirwi nderhe kulya Nyamubâho anahizire omu kanwa kâni?»

Mibalè 23:3

Balâmu anacibwîra Balaka, erhi: «Yimanga hôfi n’eyi nterekêro yâwe okunacîyegûla hitya; hali amango Nyamubâho akambugâna. Ebi akanyêreka byo nâni nakanakumanyisa.» Anacikanya ajà oku hirhondo hirhalikwo cici.

Mibalè 24:13

Ciru Balaka akampa enyumpa yâge eyunjwîre nfaranga na masholo, ntakavuna irhegeko lya Nyamubâho, omu kujira niene nk’oku nnonzize okujira ehinja erhi ehibî; n’oku ngasi oku Nyamubâho anadesire kwo naderha?