Mibalè 22:4 - BIBLIYA NTAGATIFU OMU MASHI

⁴ Anacibwîra abashamuka ba Madiani, erhi: «Ka murhabwîni oku eyi nkûmo y’abantu yayisha yafôrha ngasi binarhuli eburhambi byoshi, nka kula enkafu enafôrha obuhasi omu mashwa». Balaka mwene Sipori ye wali mwâmi wa bene Mowabu muli ago mango.

Mibalè 22:4 ပူးပေါင်းရင်းမြစ်များ

1 Bâm 11:18

Erhi barhenga e Madiyani bajà e Parani, barholayo ngasi balume b’omwôla Parani, banacijà e Mîsiri emwa Faraoni mwâmi w’e Mîsiri, mwâmi w’e Mîsiri, anacihà Hadadi enyumpa n’ebiryo anahiga ciru n’okumuhà amashwa.

Lubungo 15:15

Abarhambo b’omu Edomu bàjuguma; Abaluzi b’e Mowabu bàgeramwo ogwa nyegenye; abayûbaka omu Kanâni boshi bàdirhimana.

Yeremiya 48:38

Omu ngasi côgo c’e Mowabu n’oku ngasi malango gâge, ndûlù yône, bulya nashangwîre Mowabu nka kula omuntu anashangula enyungu eberesire, kanwa ka Nyakasane.

Mibalè 22:2

Balaka, mwene Sipori, abona ebi bene Israheli bajirire Abanyamoriti byoshi.

Mibalè 22:7

Abashamuka ba Mowabu n’abashamuka ba Madiani banacihira njira, banadwîrhe oluhembo bayishiha omushonga. Oku barhinda aha mwa Balâmu, banacimurhondêreza ebinwa bya Balaka.

Mibalè 24:17

Namamubona, ci kwône arhacibà wa buno; namamulâba ci kwône arhacibà nk’oli hôfi. Enyenyêzi yamârhenga muli Yakôbo, akarhi k’obwâmi kamayimanga omu Israheli; kamavunanga emyanganga ya Mowabu, Kamamalîra bene Seti.

Mibalè 25:6

Lolà oku ago mango, muntu muguma wa muli bene Israheli anaciyisha adwîrhe embere za bene wâbo omukazi w’omunya-Madiani, erhi na Mûsa adwîrhe asinza, n’omu masù g’olubaga lwa bene Israheli boshi, ludwîrhe lwalakira aha Muhango gw’Ihêma ly’embugânano.

Mibalè 31:1

Nyamubâho ashambâla na Mûsa amubwîra, erhi:

Mibalè 31:8

Bayîrha n’abâmi b’e Madiani; bo: Evi, Rekemi, Suri, Huru na Reba, bâmi barhanu b’e Madiani. Balâmu mwene Beori naye bamufu­nda engôrho.

Bacîranuzi 11:25

K’olushirage Balaka, mugala wa Sipori, mwâmi we Mowabu? K’ajîre kadali na Israheli, nîsi erhi amutulakwo entambala?

Bacîranuzi 6:1

Bene Israheli bakajira ebiri bigalugalu embere za Nyakasane, na Nyakasane anacibahâna emwa Madiani, myâka nda.