Mibalè 22:34 - BIBLIYA NTAGATIFU OMU MASHI

³⁴ Balâmu anacibwîra olya Malahika wa Nyamubâho, erhi: «Najizire ecâha. Ntalimanyire oku oli omu njira embere zâni. Na bunôla akabà kugaya ogayire, niono nagaluka.»

Mibalè 22:34 ပူးပေါင်းရင်းမြစ်များ

2 Samweli 12:13

Daudi abwîra Natani, erhi: «Najirîre Nyakasane ecâha!» Naye Natani abwîra Daudi, erhi: «Oku bwâge, Nyakasane akubabalire ecâha câwe, orhacife.

1 Nganîro 21:7

Ogwo mukolo gwagayîsa Nyakasane bwenêne, kwarhuma àhana Israheli.

Ennanga 78:34

Oku adwîrhe abanigûza bamulongereza, banakaz’igaluka bal’ilonza Nyamuzinda,

Lubungo 9:27

Faraoni mwâmi w’e Mîsiri ahamagala Mûsa na Aroni, ababwîra, erhi: «Lêro, nabwinage oku nabîhire; Nyakasane ye mushinganyanya, nie mubî rhwe n’olubaga lwâni.

Migani 24:18

Nyakasane akanagaya omu kubona ntyo, obone arhacimurhûzirikwo mungo.

Mibalè 11:1

Olubaga lwarhondêra okucîdudumira kubî omu kurhwiri kwa Nyamubâho. Nyamubâho ayumva okwôla, n’oburhè bwâge bwayâka bwenêne, omuliro gwa Nyamubâho gwayâka kuli bo, gwarhondêra okuyôca eburhambi bw’ecihando.

Mibalè 14:40

Erhi babà bamazukiriza sêzi sêzi, bakanya, basôkera ebw’irhwêrhwè ly’entondo, banaciderha, mpu: «Rhwonôla! rhukolaga rhwasôkera eyôla munda Nyamubâho anaderhaga ebwa kubà rhwajizire ecâha.»

Mibalè 22:12

Nya­muzinda anacibwîra Balâmu, erhi: «Orhagendaga nabo, orhanahehêreraga olwo lubaga, bulya luli lugishe.»

Mibalè 22:33

Endogomi yambwîne, yanakacîhindamukira ngasi kumbona, kasharhu kakulikirîne. N’erhahindamukaga ecîyegûla embere zâni, nali nakuyîrha, nayo nyireke egende ezîne.»

1 Samweli 15:24

Oku bundi Saulu anacibwîra Samweli, erhi: «Najizire ecâha bulya ntashimbaga irhegeko lya Nyamubâho n’ebinwa byâwe, bulya namarhînya olubaga kulusha nanayumva oku ludesire».

1 Samweli 15:30

Oku bundi Saulu aderha, erhi: «Najizire ecâha! Ci kwônene nkusengirage, onkengêsagye nâni embere z’abagula b’olubaga lwâni na embere za Israheli; ogaluke rhugende rhwembi ngendiharâmya Nyamubâho, Nyamuzinda wâwe».

1 Samweli 24:17

Daudi erhi ayûsibwîra Saulu ebyôla binwa, Saulu amudôsa, erhi: «Ka linali izù lyâwe eryo mwâna wâni Daudi?» Saulu ecifufu camugwârha, ayâma alaka.

1 Samweli 26:21

Saulu ashuza, erhi: «Najizire ecâha, ci ogalukage mwâna wâni Daudi bulya ntacikujire kurhi, bulya wayêrekîne oku wakenzire obuzîne bwâni.»