Mibalè 22:32 - BIBLIYA NTAGATIFU OMU MASHI

³² Malahika wa Nyamubâho anacimubwîra, erhi: «Carhumaga Oshûrha endogomi yâwe kasharhu koshi? Nie nyishire nti nkucîke, bulya orhankagera nka ndi mw’eyi njira.

Mibalè 22:32 ပူးပေါင်းရင်းမြစ်များ

Ennanga 145:9

Nyamubâho abà mwinjà kuli boshi, nn’olukogo lwâge luyerekera emikolo yâge.

Ennanga 147:9

Ye hà enkafu obwâsi zikera, n’ebyâna bya hungwe bimuyêrekezize omulomo.

Ennanga 36:6

Yâgirwa wêhe olukogo lwâwe luhisire oku nkuba, oburhabêsha bwâwe buhumire oku bitù.

Migani 14:2

Okulikira enjira nnungêdu akenga Nyakasane, n’oshomba enjira zâge amugayaguza.

Migani 16:2

Omu masù gw’omuntu enjira zâge zibà nka zishingânîne, ci kwône Nyakasane yêhe ye hombaganya emirhima.

Migani 28:18

Omuntu ojira obwôrhere bushingânîne ârhakabà kurhi, ci omuntu odûngira eyi n’eyi: arhabula olunda arhogîre!

Migani 28:6

Owabâ ali mukenyi nka anali mudahemuka, ye mukulu oku muntu w’enjira z’ebinzongo-nzongo ciru akabà mugale.

Yônà 4:11

Nâni nie obwînage oku ntankafà mungo kuli Ninive, ecishagala cinene cirimwo bihumbi igana na makumi abirhi, ciru na kulusha, ga bantu barhishi okulyo kwâbo, barhishi okulembe kwâbo, cirimwo n’obusò bw’ebintu!»

Mikeyo 6:5

Ewe lubaga lwâni, kengêragi eyali mihigo ya Balaka, mwâmi w’e Mowabu, mukengêre n’oku Balaamu mwene Beori àmushuzize. Kengêra olugendo lwa Shitimu omu Gilgali, lyo omanya eby’obushinganyanya Nyakasane akola.

Mibalè 22:20

Nyamubâho anacijà emunda Balâmu ali muli obwôla budufu, anacimubwîra, erhi: «K’abà bantu barhajikuhamagala? Genda mwe nabo, ci orhajiraga oku ntakubwiziri.»

Mibalè 22:22

Oburhè bwa Nyamuzinda bwanaciyâka bulya Balâmu akola ajà eyo munda; na Malahika wa Nyamubâho acîhira muli erya njira mpu amucîke. Balamu àli àshonîre oku ndogomi yâge analusibwe na abambali bahirhi.

Mibalè 22:28

Nyamubâho ayigula akanwa k’erya ndogomi, yanacibwîra Balâmu, erhi: «Kurhi nieki nakujirîre obu wanshûrha kasharhu?»

Mibalè 22:33

Endogomi yambwîne, yanakacîhindamukira ngasi kumbona, kasharhu kakulikirîne. N’erhahindamukaga ecîyegûla embere zâni, nali nakuyîrha, nayo nyireke egende ezîne.»

Mibalè 22:35

Malahika wa Nyamubâho anacishuza Balâmu, erhi: «Ogende n’abà balume. Ci orhayishiderhe akandi kanwa okuleka aka nayishikubwîra. Balâmu anacigenzikanwa na balya baluzi ba Balaka».

Ebijiro 13:10

«We muntu oyunjulirîne bulyâlya n’obubî, eri iburha lya shetani, we mushombanyi wa ngasi kushingânîne, k’orhaleke okûla kukubya enjira za Nyakasane n’obwo zishingmanîne?

Lushika 23:4

Omuamoriti n’Omwabiti barhayêmêrerwe okujà omu ndêko ya Nyamuzinda, ciru kuhika oku iburha lyâbo lya kali ikumi, ntâye wayêmêrerwe okujà omu ndêko ya Nyamuzinda, ciru n’eriguma.

Lushika 25:4

Orhashwêkaga omunwa gw’empanzi amango edwîrhe yahûla engano.