Mibalè 21:6 - BIBLIYA NTAGATIFU OMU MASHI

⁶ Oku bundi Nyamubâho anabarhumira enjoka nkali, zaluma olubaga, na bantu banji bafà muli bene Israheli.

Mibalè 21:6 ပူးပေါင်းရင်းမြစ်များ

Izaya 14:29

«Mumanye mwankacîshinga mweshi, wâni Bafilistini, mpu akarhi kakâg’imushûrha kavunisire, bulya omu cisiki c’enjoka mwârhenga empiri, n’omw’iji lyâyo murhenge enkuba-joka yajà yabalala nka kanyunyi.

Izaya 30:6

Obulêbi buyêrekîre ensimba z’e Nêgebu. Omu cihugo c’amalibuko n’amaganya, omu cihugo cilumbamwo entale nkazi n’endume, omu cihugo c’empiri n’enkuba-joka yâjà yâbalala nka kanyunyi, b’âbo badwîrhe obuhirhi bwâbo oku ndogomi, n’ebirugu by’engulo ndârhi oku ngamiya, babihêkera olubaga lurhâbakwânane cici:

Yeremiya 8:17

Nêci, lâba oku we ntumîre enjoka nkali zirya zirhadogêzibwa; zakuluma, ye kudesire Nyakasane na ntà bufumu.

Ezekiyeli 14:15

Erhi nankaleka ebiryanyi bikazizungula omu cihugo, bikazicirya abâna cirinde cisigala bwâmwa, mulya omuntu arhankacicîgeza erhi kuyôboha ebiryanyi kurhuma,

1 Bakorinti 10:9

Rhurharhangulaga Nyakasane aka baguma muli bo; enjoka zabaherêrekeza.

Lushika 8:15

Ye wakugezagyamwo oyûla côbohwa na nakagali w’irungu, hantu ha nyôrha harhanabà mîshi, ha njoka n’amahiri, yêne ye wakurhengezagya amîshi omu ibuye lizibu-lizibu.