Mibalè 21:34 - BIBLIYA NTAGATIFU OMU MASHI

³⁴ Nyamubâho anacibwîra Mûsa, erhi: «Orhamurhînyaga, bulya mmuhizire omu maboko gâwe, ye olubaga lwâwe lwoshi, n’ecihugo câge coshi. Omukolere amabî nka kulya wagakoleraga Sihoni, mwâmi w’Abanyamoriti, wayûbaka­ga aha Heseboni».

Mibalè 21:34 ပူးပေါင်းရင်းမြစ်များ

2 Samweli 5:19

Daudi akanya agend’idôsa Nyamubâho, erhi: «Ka ngend’i lwîsa Abafilistini, ka wabahira omu maboko gâni mbahime?» Nyamubâho anacibwîra Daudi, erhi: «Kanya osôkere yo, bulya kwo binali, Abafilistini nabahizire omu maboko gâwe.»

1 Bâm 20:13

Mw’ago mango mulêbi muguma aj’ibwîra Ahabu, erhi: «Nyakasane adesire ntyâla: K’obwîne ogwo mwandu gw’abantu? Ene nakufumbasagwo lyo omanya oku nie nandi Nyakasane.»

1 Bâm 20:28

Omuntu wa Nyamuzinda anacij’emunda mwâmi wa bene Israheli ali, amubwîra, erhi: «Nyakasane amâderha ntya: Kulya kubà Abaharamu bàdesire mpu Nyamuzinda ali muzimu w’omu mpinga ci arhali Nyamuzinda w’omu rhubanda, nkolaga nakuhà eyo ngabo, na ntyo wanamanya oku nie mbà Nyakasane.»

2 Bâm 3:18

“Ci konene ebyo biciri bisungunu omu masù ga Nyakasane, oku lw’ene amuhà Mowabu mumugwârhe omu maboko ginyu”.

Izaya 41:13

Bulya niono, Nyakasane Nyamuzinda wâwe, nkugwârhîre oku kuboko kulyo, nankubwîzire, nti: «Orhayôbohaga, nie nakurhabâla!»

Mibalè 14:9

Ci kwônene murhahîra mukagomera Nyamubâho, murhanayôbohaga abantu abantu bali muli ecôla cihugo, bulya rhwabahungumula, owakazâgibalanga acîyegwîre kuli bo, na Nyamubâho ali haguma nîrhu, murhabayobôhe.»

Mibalè 32:4

cihugo Nyamubâho anyagaga embere z’olubaga lwa bene Israheli, ciri cihugo cikwânîne olwabûko, na bambali bâwe bagwêrhe amasò.»

Lushika 2:30

Ci kwône mwâmi Sihoni w’e Hesboni alahira mpu arhakarhuleka rhugere emwâge. Nyamubâho, Nyamuzinda wâwe ali amamuhûsa obukengêre anammudundaguza omurhima mpu ly’amuhàye bunya-mpira nk’okûla biri ene.

Lushika 20:3

anababwîra erhi: «Yumva wâni Israheli, mwoyu mukola mwalwîsa abashombanyi binyu, murharhâga omurhima, murhayôbohaga, murharhînyaga murhanarhemukaga embere zâbo».

Lushika 3:1

Rhwahinduka obwo, rhwarhôla enjira y’e Bashani rhwasôkerayo. Og mwâmi w’e Bashani ayisha n’engabo yâge mpu akola alirhulwikiza aha Edreyi.

Lushika 3:11

(Mwâmi Ogu yêne wali ocisigire omu bûko bwa Barefayimi. Encingo yâge yo era ncingo y’ecûma ebà aha Rabati emwa Abamoniti. Obulî bwâyo bubà bwa makoro mwenda, n’obugali bwâyo buli bwa makoro anni, makoro ga mulume).

Lushika 31:6

Muzibuhe munasêre, murhayôbohaga murhanabarhînyaga, bulya Nyamubâho, Nyamuzinda wâwe yêne okushokolire: arhakulikirire arhanakulekêrere.

Lushika 7:17

Okolaga waderha emurhima gwâwe erhi aga mashanja gamabà manji kundusha, kurhi nakahasha nagahulusa wâni?

Lushika 7:18

Orhabarhînyaga: okengêre kulya Nyamubâho, Nyamuzinda wâwe akoleraga Faraoni mwâmi w’e Mîsiri n’ecihugo ca Mîsiri coshi:

Lushika 7:21

Orhadirhimanaga embere zâbo, bulya Nyamubâho, Nyamuzinda wâwe ali ekarhî kâwe. Ye Nyamuzinda mukulu n’owokuyôbohwa.

Lushika 7:24

Akufumbika n’abâmi bâbo, oherêrekcze amazîno gâbo hanôla idako ly’amalunga harhajire owaderha mpu ahagaza embere zâwe, kuhika boshi obamalîre.

Yozwe 10:25

Anacibabwîra, erhi: «Murhayôbohaga, muzibuhe munarhwâlihe, bulya ntya kwo Nyakasane akazijira ngasi bashombanyi binyu mwanalwîsa boshi».

Yozwe 10:8

Nyakasane anacibwîra Yozwè erhi: «Omanye orhabarhînyaga, bulya nabahizire omu maboko gâwe, ntâye ciru n’omuguma wahaza embere zâwe».

Yozwe 8:7

Okubundi obwôla, mwananyonyôka halya mwâli mucîfulisire, mushagamukire omu lugo, mulurhôle, Nyakasane, Nyamuzinda winyu abahà lwo.

Bacîranuzi 11:30

Ago mango Yefutè ahâna eciragâne emwa Nyakasane aderha, erhi:

1 Samweli 23:4

Daudi akanya ashubigendidôsa Nyamubâho, Nyamubâho amushuza ntyâla, erhi: «Yimuka, oyandagalire e Keyila bulya abôla Bafilistini nabahizire omu maboko gâwe ene».