Mibalè 20:5 - BIBLIYA NTAGATIFU OMU MASHI

⁵ Carhumaga orhukûla e Mîsiri, oyisha orhudwîrhe hanôla hantu habî ntyâla? Harhali hantu hankahingwa cici, harhali mutini, harhali muzâbîbu, harhali makomamanga, ciru harhali na mîshi ga kunywa?

Mibalè 20:5 ပူးပေါင်းရင်းမြစ်များ

Nehemiya 9:21

Myâka makumi anni goshi erhi wêne oshîbirira okubalanga omu irungu, barhanabuliragwa n’akantu ciru n’akaguma, emyambalo yâbo erhashosihalaga, n’amagulu gâbo garhahêmaga.

Yeremiya 2:2

«Ogende, oyakûlize ebi binwa omu kurhwiri kwa Yeruzalemu. Ntya kwo Nyakasane adesire: Namâkengêra oku wantonyagya erhi ociri murhò, oku wanzigiraga amango nakâgikusheba, wakazinshimba omu irungu, omu ishwa lirhajâmwo mburho.

Yeremiya 2:6

“Ahâli h’okuderha mpu: ngahi ali Nyakasane warhurhenzagya omu cihugo ca Mîsiri, arhugeza omu irungu, Omu cihugo c’idaho lyûmu, liyunjwîre migâku, emunda ecanda n’empehema y’olufù bishundwa, emunda erhagerwa na muntu erya munda erhabà nyumpa?”

Ezekiyeli 20:36

Nk’oku natwîraga basho olubanja omw’irungu ly’ecihugo c’e Mîsiri, ntyôla kwo nâmutwîra olubanja, kwo adesire Nyakasane Nyamubâho.

Mibalè 16:14

«Mâshi arhali omu cihugo cihulula amarhà n’obûci warhuhesire, arhali mashwa ga mizâbîbu warhuhîre mpu rhugayîmemwo! Ka omanyire mpu olûla lubaga walujira mihûrha? Rhurhasôkere eyôla munda!»

Mibalè 20:24

«Aroni akola ajiluhûkira emw’olubaga lwâge; arhaje muli cirya cihugo nahà bene Israheli, bulya murhayumvagya oku namurhegekaga aha mîshi ga Meriba.

Mibalè 27:14

“Bulya, muli galya mango g’ishababè ly’olubaga omw’irungu lya Sini, mwembi murhashimbaga irhegeko nali mbahire ly’okumpeka irenge emunda bali, oku lwa galya mîshi”». (Go mîshi g’aha Meriba, e Kadesi, omw’irungu lya Sini.)

Lushika 8:15

Ye wakugezagyamwo oyûla côbohwa na nakagali w’irungu, hantu ha nyôrha harhanabà mîshi, ha njoka n’amahiri, yêne ye wakurhengezagya amîshi omu ibuye lizibu-lizibu.