Mibalè 20:15 - BIBLIYA NTAGATIFU OMU MASHI

¹⁵ Balarha banacibungulukira e Mîsiri; rhwanacibêra yo nsiku mwandu. Ci bene e Mîsiri harhulibuza oli rhwe oli balarha.

Mibalè 20:15 ပူးပေါင်းရင်းမြစ်များ

Murhondêro 15:13

Nyamubâho anacibwîra Abramu, erhi: «Omanye bwinjà oku abâna bâwe bâbà nka bigolo omu cihugo cirhali câbo. Babà bajà eyo munda banabalibuze myâka magana anni.

Murhondêro 46:6

Bahêka n’amasò gâbo na ngasi byâbo bàli bakola bagwêrhe omu cihugo c’e Kanâni, bayisha e Mîsiri. Yakôbo haguma n’omulala gwâge gwoshi,

Murhondêro 46:7

abagala na bagala b’abagala, abâli na bâli b’abagala, iburha lyâge lyoshi aligendana e Mîsiri.

2 Samweli 12:18

Oku lusiku lwa kali nda, omwâna afà. Bambali ba Daudi bayôboha okumumanyisa oku omwâna anafîre. Bacîjamwo baderha erhi: «Ene omwâna aciri mugumagumà, rhwalimubwîzire ci arharhudumizize. Kurhigi lêro rhukolaga rhwamubwîra oku omwâna afîre? Hali amango akakola amaligo.»

Lubungo 1:16

«Nka mwabusa abakazi b’Abayahudi, mukâlola bwinjà, aciri oku ncingo, mwâna muci obusirwe. Akabà mwâna-rhabana, munamuyîrhe; akabà mwâna-nyere, munamuleke alame.»

Lubungo 1:22

Faraoni mwâmi w’e Mîsiri kwo kurhegeka abantu bâge boshi, erhi: «Ngasi mwâna-rhabana waburhwe, munamulohe erwîshi, ci ngasi mwâna-nyere munaleke alame».

Lubungo 12:40

Emyâka yoshi Bene-Israheli bâgezize omu Mîsiri yali magana anni na makumi asharhu.

Lubungo 5:14

Abimangizi ba muli bene-Israheli, balya bàli barhumirwe n’abarhambo ba Faraoni mwâmi w’e Mîsiri, bakashurhwa, mpu: «Carhumaga murhayûsa, injo n’ene, ennundo yinyu y’amadofali nk’oku mwakâgijira burhanzi?»

Mibalè 11:5

Rhwamadula zirya nfî rhwakagilya busha busha konene e Mîsiri, rhwamadula gulya mundagwè, galya malehe, birya bitumbura na balya bapwaro bîrhu.

Mibalè 16:13

Ka kuli kunyi erhi orhurhenza omu cihugo cahululaga amarhà n’obûci n’okuyishirhuyîrhira munôla irungu; kandi wacikûnga mpu we nnawîrhu?

Mibalè 20:14

Kurhenga e Kadesi, Mûsa anacirhuma entumwa emw’omwâmi w’e Edomu mpu bagendimubwîra erhi: «Kwo adesire ntyâla mwene winyu Israheli: Omanyire amalibûko goshi rhwamashimâna.»

Mibalè 20:16

Rhwanacilakira Nyamubâho. Naye anaciyumva omulenge gwîrhu; arhuma malahika mpu arhukûle eyo Mîsiri. Lolà oku rhuli buno aha Kadesi, Lugo elubibi lw’ecihugo câwe.

Ebijiro 7:15

Yakôbo anaciyandagalira e Mîsiri, yo afìrîre na bashakulûza.

Ebijiro 7:19

Oyo mwâmi ayengehera obûko bwîrhu, alibuza balarha, ciru akabasêza mpu bakabulire orhubonjo rhwâbo lyo rhulek’ilama.

Lushika 26:6

Ab’e Mîsiri barhukolera amaligo banarhurhindibuza, barhubarhuza obujà budârhi.