Mibalè 20:1 - BIBLIYA NTAGATIFU OMU MASHI

¹ Bene Israheli, olubaga loshi bahika omw’irungu lya Sini, omu mwêzi murhanzi. Olubaga lwanacihanda aha Kadesi. Ho Miriyamu afiraga ahôla, ho banamubishire.

Mibalè 20:1 ပူးပေါင်းရင်းမြစ်များ

Murhondêro 14:7

Bagonjolokera e Ayini Mishipati omu Kadesi. Bahima ab’omu cihugo c’abanya-Amaleki, kuguma n’Abamoreni, bo bàbâga e Hasasoni-Tamari.

Ennanga 29:8

Izù lya Nyakasane linadirhimanye irungu, Nyakasane anageze irungu lya Kadesi mw’omusisi.

Lubungo 15:20

Omulêbi-kazi Miriyamu, mwâli wâbo Aroni, anacirhôla engoma; abakazi boshi banacirhôla ezindi ngoma, bàmuyisha omu nyuma, bàjà bayimba banasâma.

Lubungo 2:4

Mwâli wâbo nyamwâna abêra kuli hitya mpu alole kurhi abà.

Lubungo 2:7

Okubundi mwâliwâbo nyamwâna anacibwîra mwâli wa Faraoni mwâmi w’e Mîsiri, erhi: «Ka walonza njihamagala omulezi omu bakazi b’Abayahudi akazikuyonkekeza oyu mwâna?»

Ezekiyeli 47:19

Olunda lw’emukondwè ali kurhenga kuli Tamari kujà oku lwîshi lwa Meribotti w’e Kadesi gwo mugezi gujire ebwa nyanja nnene. Olwo lwo lunda lw’emukondwè.

Mikeyo 6:4

Bulya nakurhenzize omu cihugo c’e Mîsiri; nakucungwîre nakurhenza omu nyumpa y’obujà, embere zinyu narhumayo Mûsa, na Aroni na Miriyamu.

Mibalè 12:1

Miriamu n’Aroni, barhondêra okuderhaderha kubî Mûsa erhi omukazi w’omukûshi ayankaga orhuma. Ebwa kubà amayanka omukazi w’omukûshi.

Mibalè 12:10

Na, k’orhabona! Miriamu amahinduka wa lushomyo, akola mwêru nka lubula. Aroni ayêrekera emunda Miriamu ali, alola oku akola mushomyo.

Mibalè 12:15

Miriamu nsiku nda ali muyungule embuga ly’ecihando, n’olubaga lurhahashigigenda, kuhika Miriamu ashubiyankirirwa.

Mibalè 13:21

Basôka, bajà bayenjayenja ecihugo, kurhenga okw’irungu lya Sini kuhika e Rehobu, oku njira yajà e Hamati.

Mibalè 13:26

bayisha bayishire bajà emunda Mûsa ali n’Aroni, n’endêko ya bene Israheli boshi aha Kadesi, omw’irungu lya Parani. Bababwîra emyanzi nka kulya banarhumagwa; bashambalira n’olubaga loshi, banabayêreka amelehe ga ecôla cihugo.

Mibalè 20:16

Rhwanacilakira Nyamubâho. Naye anaciyumva omulenge gwîrhu; arhuma malahika mpu arhukûle eyo Mîsiri. Lolà oku rhuli buno aha Kadesi, Lugo elubibi lw’ecihugo câwe.

Mibalè 20:22

Bene Israheli, olubaga loshi, barhenga e Kadesi, bahika oku ntondo ya Hori.

Mibalè 20:28

Mûsa ahogola Aroni emyambalo yâge, ayiyambika omugala Eleazari. Aroni afîra ntyo oku irhwêrhwè ly’entondo. Mûsa na Eleazari banaciyandagala kulya ntondo.

Mibalè 26:59

Izîno ly’omugoli wa Amrami ye wali Yokebedi, mwâli wa Levi, oyu nina aburhiraga Levi erhi baciri e Mîsiri; aburhira Amrami: Aroni, Mûsa na Miriyamu, mwâli wâbo.

Mibalè 27:14

“Bulya, muli galya mango g’ishababè ly’olubaga omw’irungu lya Sini, mwembi murhashimbaga irhegeko nali mbahire ly’okumpeka irenge emunda bali, oku lwa galya mîshi”». (Go mîshi g’aha Meriba, e Kadesi, omw’irungu lya Sini.)

Mibalè 33:36

Barhenga aha Esiongeberi, bagndihanda omw’irungu lya Sini, kwo kuderha aha Kadesi.

Lushika 1:46

Mwabêra nsiku nyinji aho Kadesi, nsiku ziri nk’ezi mwanashingireho.

Lushika 2:14

Akasanzi rhwajire rhwagenda, kurhenga e Kadesi Barnea, kuhika amango rhwayikiraga omugezi gwa Zaredi kali ka myâka makumi asharhu na munâni; ntyo, omurhwe gwa balya boshi bâli bakola balume b’okujà oku matabâro gwàli gwamahwa omu cihando, nka kulya Nyamubâho àli acîgashire.

Lushika 32:51

“Kulya kubà arhambêraga mwîkubagirwa omu karhî ka Bene Israheli, oku lw’e Meriba-Kadeshi, omu irungu lya Sini, kulya kubà wabuzire buyêrekana obwimâna bwâni omu karhî ka Bene Israheli”.

Bacîranuzi 11:16

Bulya erhi Israheli akola arhenga e Mîsiri, omw’irungu agezire kuhika oku nyanja ndukula, kandi ahika e Kadesi.