Mibalè 2:25 - BIBLIYA NTAGATIFU OMU MASHI

²⁵ Emwênè eje ibendêra lya Dani n’engabo yâge. Omurhambo wâbo ye Ahiyezeri mugala wa Amishadayi.

Mibalè 2:25 ပူးပေါင်းရင်းမြစ်များ

Mibalè 1:12

Kuli bene Dani, ali Ahiyezeri, mwene Amishadayi.

Mibalè 1:38

Bene Dani, oku balondana n’oku emilala yaho ekulikirana, omu kushimba enyumpa za bashakulûza bâbo, omu kuganja amazîno n’irhwe lya ngasi muguma, kurhenga oku muntu wa myâka makumi abirhi kuhêka enyanya, ngasi balume bankanahêkaga emirasano.

Mibalè 10:25

Ibendêra ly’ecihando ca bene Dani nalyo lyagenda, nk’oku emirhwe yanali: gwo gwàli murhwe muzinda omu bihando byoshi. Omurhwe gwa Dani gwàli gurhegesirwe n’omurhambo Ahiyezeri, mwene Amishadayi;

Mibalè 2:26

N’omurhwe gwâge nk’oku omubalè gunali: bantu bihumbi makumi gali ndarhu na bibirhi na magana gali nda.

Mibalè 3:35

Omurhambo w’emilala ya bene Merari ye wali Surieli, mwene Abihayili. Bakazâgihanda olunda lw’emwênè y’Omucîmba.

Mibalè 7:66

Oku lusiku lwa kali ikumi, ayisha omurhambo wa bene Dani, Ahiyezeri mwene Amishadayi.

Mibalè 7:71

N’oku nterekêro y’omurhûla ahâna mpanzi ibirhi, ngandabuzi irhanu, bihehe birhanu na bâna-buzi barhanu ba mwâka muguma. Eyo, yo nterekêro y’Ahiyezeri mwene Amishadayi.