Mibalè 2:2 - BIBLIYA NTAGATIFU OMU MASHI

² «Bene Israheli ngasi baguma oku cihando banakazija ah’ibendêra lyâbo liri, ngasi mulala gwanakaziba n’ecimanyîso câgwo n’abà gulya mulala banacikulikira. Omu kuhanda bakazilola ngasi baguma ebw’ihêma ly’embugânano, bakaziliyûbaka eburhambi, balizongoloke».

Mibalè 2:2 ပူးပေါင်းရင်းမြစ်များ

Ennanga 74:4

Ababisha bàjîre aha ngombe yâwe babandiraho akakû, bagwîka amatumu gâbo bacîtakîra.

Ennanga 76:11

Edomu àkukuza omu burhè bwâge, n’abanyi bàsigîre omu Emati, bakujirira olusiku lukulu.

Izaya 12:6

Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.

Izaya 18:3

Mw’oyo mweshi, mwe muli hanôla igulu, mwe muyûbaka eno igulu, amango bayîmanza ecimanyîso oku ntondo, musinze, irhondo izù ly’omushekera likashakânya, munayumvîrhize!

Ezekiyeli 43:7

Omulala gwa bene Israheli boshi n’abâmi bâgwo, barhakacihemula izîno lyâni litagatîfu, n’ebihemu byâbo, n’emifù y’abâmi bâbo n’empêro zâbo z’omu birhwa.

Zakariya 9:16

Nyakasane Nyamuzinda wâbo yêne wâbayôkola olwo lusiku; ayish’iyâbula olubaga lwâge n’igulu, bânashushe nka magerha marhunge ganali mashoneke.

Mibalè 1:50

“Ohè bene Levi ecikono c’okukazilanga omucîmba gw’amalaganyo, ebirugu byâgwo na ngasi bindi binabamwo byoshi. Bo bakazihêka ogwôla Mucimha n’ebirugu byamwo byoshi; bo bakazikola muligwo, banakazihanda eburhambi bw’ogwôla Mucimba”.

Mibalè 10:14

Ibendêra ly’ecihando ca bene Yûda lyagenda lya burhanzi, nk’oku emirhwe yâbo yanali, n’omurhwe gwa bene Yûda gwàli gurhegesirwe n’omurhambo Nashoni, mwene Aminadabu;

Mibalè 10:18

Ibendêra ly’ecihando ca bene Rubeni nalyo lyagenda, nk’oku emirhwe yâbo yanali, n’omurhwe gwa bene Rubeni gwàli gurhegesirwe n’omurhambo Elisuri, mwene Sedeuri.

Mibalè 10:22

Ibendêra ly’ecihando ca bene Efrayimu nalyo lyagenda, nk’oku emirhwe yâbo yanali, n’omurhwe gwa bene Efrayimu gwàli gurhegesirwe n’omurhambo Elishamaʿ, mwene Amiyudi.

Mibalè 10:25

Ibendêra ly’ecihando ca bene Dani nalyo lyagenda, nk’oku emirhwe yanali: gwo gwàli murhwe muzinda omu bihando byoshi. Omurhwe gwa Dani gwàli gurhegesirwe n’omurhambo Ahiyezeri, mwene Amishadayi;

Mibalè 2:1

Nyakasane anacishambâla na Mûsa na Aroni, ababwîra, erhi:

Mibalè 2:10

Bene Rubeni banahanda emukondwè, n’engabo yâbo y’abalwî; Omurhambo wa bene Rubeni ye Elisuri mwene Sedeuri.

Mibalè 2:3

Bene Yûda bahanda ebuzûka-zûba boshi n’engabo yâbo y’abalwî. Omurhambo wa bene Yûda ye Nashoni, mwene Aminadabu.

Mibalè 24:2

Erhi Balâmu abà amâyinamula amasù, abona oku bene Israheli bahanzire ishanja oku lindi, anaciyagânwa na Mûka gwa Nyamuzinda,

1 Bakorinti 14:33

bulya Nyamuzinda arhali Nyamuzinda wa kavulindi, ci wa buholo. Nk’omu zindi Ekleziya zoshi z’abimâna,

1 Bakorinti 14:40

Cikwône byoshi bijirwe bwinjà bwinjà na buzira kavulindi.

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

Bakolosi 2:19

Abôla bantu barhasêra oku irhwe lilîsa omubiri gwoshi n’okugusimbanya, oku burhabâle bw’enungo n’emisî, mpu lyo gushunjûka muli Nyamuzinda.

Yozwe 3:4

Ci konene ekarhî kâgo ninyu kukwânîne habè makoro bihumbi bibiri, murhahîra mukaguyegêra, lyo mumanya bwinjà enjira mwakulikira, bulya murhasagigera muli eyo njira».