Mibalè 19:14 - BIBLIYA NTAGATIFU OMU MASHI

¹⁴ Alaga irhegeko erhi omuntu ankafira omw’lhêma. Ngasi yêshi wankajà muli eryo ihêma, na ngasi kalugu kali muli ryo, ebyôla byoshi byanabà bigalugalu kuhika nsiku nda.

Mibalè 19:14 ပူးပေါင်းရင်းမြစ်များ

Ezekiyeli 39:12

Kuboko kwa Nyamuzinda kwababisha n’ecihugo cayôbôlwa kuhika myêzi nda.

Ezekiyeli 44:26

Nk’omudâhwa amâyûsicîyôbôla, banamuganjira nsiku nda,

Ben Levi 14:54

Eryo lyo irhegeko liyêrekîne ngasi cinyolo c’emvulikaka n’ebibungu,

Ben Levi 15:32

Eryo lyo irhegeko liyêrekîre okujà ebukuma, nîsi erhi kubulaga emburho,

Ben Levi 21:1

Nyakasane anacibwîra Mûsa, erhi: Ogend’idesa abadâhwa bene Aroni, obabwîre oku ntà mudâhwa ciru n’omuguma mulibo wacîhemulaga erhi mufù gw’omu mulala gwâge gurhuma.

Ben Levi 21:11

Oyôla arhankashegera aha murhumba ciru n’omuguma, arhanacîhumânyagya omu kuyegera oli omurhumba gw’îshe n’oli ogwa nnina.

Mibalè 19:13

Owankahuma oku mufù, oku mubiri gw’omuntu wamafa, akabà arhacîcêsizi, oyôla anahemula endâro ya Nyamubâho; kukwânîne akagwe omu bene Israheli. Bulya galya mîshi gakûla ebizinzire garhabulajikire kuli ye; ali mugalugalu, n’agôla mazinga gâge anagayôrhana.

Mibalè 19:15

Ngasi kalugu kafûnule, kalya karhagwêrhi cifûniko cisheke n’ehigozi, kânaba kagalugalu.

Mibalè 31:20

“Mucêse na ngasi mwambalo, ngasi kalugu kajiragwa n’oluhù, ngasi kalugu kajiragwa n’amôya g’empene na ngasi kalugu kajiragwa n’omurhi”».

Mibalè 5:2

Orhegeke bene Israheli omu cihando câbo bakazihulusa ngasi wa lushomyo, ngasi wa bibenzi na ngasi yêshi oli mugalugalu erhi mufù gurhuma.

Mibalè 6:6

“Muli agôla mango g’okucîhâna kwâge, arhankayegêra omuntu ofîre ciru n’omuguma”,

Mibalè 6:9

“Erhi omuntu ankafira buno buno aha burhambi bwâge, n’okwôla kubè­ muli lirya irhwe lyarherekîrwe Nyamubâho, anamôme irhwe lyâge oku lusiku lw’okucîcêsa; analimôma oku lusiku lwa kali nda”.

Mibalè 9:6

Omu bantu mwabonekana abarhahashigijira Basâka, bàli bagalugalu erhi cirunda ca muntu cirhuma, ntyo okwôla kwarhuma barhacijira Basâka olwôla lusiku. Erhi babà bamâjà emunda Mûsa n’Aroni bali,