Mibalè 18:23 - BIBLIYA NTAGATIFU OMU MASHI

²³ Bene Levi bo bakazijira emikolo y’omw’Ihêma ly’embugânano na bône bankabarhula obubî bwâbo. Irhegeko ly’ensiku n’amango libahanzize okubà (libasêzize okurhâbà) n’akashambala ekarhî ka bene Israheli

Mibalè 18:23 ပူးပေါင်းရင်းမြစ်များ

Lubungo 27:21

Omu Cihando c’Ihano, embere ly’omwenda gubwisire Endagâno, Aroni n’abagala bakaziyôrha baliyasize embere za Nyakasane kurhenga bijingo kuhika sêzi. Liri irhegeko ly’ensiku n’amango kuli bene Israheli kurhenga iburha kujà oku lindi.

Ezekiyeli 44:10

Oku biyêrekîre balya Baleviti banyâkaga galya mango Israheli aciyegula­ga kuli nie omu kushimba abazimu, abôla Baleviti bônene banabarhula obubî bwâbo.

Mibalè 18:1

Nyamubâho anacibwîra Aroni, erhi: «W’oyu na bagala bâwe, haguma n’enyumpa ya sho, mwe mwatumula obubî bwankajirwa ahantu himâna; we na bagala bâwe, mwakazidôsibwa oku bubî bwankajirwa omu mukolo gwinyu gw’obudâhwa.

Mibalè 18:20

Nyamubâho anacibwîra Aroni, erhi: orhâbè n’akashambala omu cihugo câbo, na ntà cigabi ciru n’eciguma cankaderhwa mpu câwe ekarhî kâbo. Niehe nie cigabi câwe nie na kashambala kâwe ekarhî ka bene Israheli.

Mibalè 19:21

Kuli bo lyabà irhegeko ly’ensiku zoshi. Olya muntu wajiraga olukangûlo lwa galya mîshi gakûla ebizinzire anashuka emyambalo yâge, owankahuma oku mîshi gakûla ebizinzire, anayôrha mugalugalu kuhika bijingo.

Mibalè 26:62

Abajirîrwe omubalè boshi, kurhenga balume ba mwêzi muguma kujà enyanya, bali bihumbi makumi abirhi na bisharhu. Bulya barhajiriragwa omubalè haguma n’abandi bene Israheli, barhagwêrhi kashambala kaguma nabo.

Mibalè 3:7

Bo bakazijira emikolo Aroni n’olubaga bagwâsirwe okujira ah’ihêma ly’embugânano na ntyo banakazijira emikolo y’omu Mucîmba.

Mibalè 35:29

Aga marhegeko gamanyîsa obuhashe bwinyu n’obuhashe bw’amâburhwa ginyu, ngasi hantu mwankanayûbaka hoshi.

Lushika 10:9

Co carhumire Levi arhabona mwanya arhanabona ishwa aka bene wâbo: Nyamubâho yêne ye kashambala kâge nka kulya Nyamubâho, Nyamuzinda wâwe anamubwîraga.

Yozwe 13:14

Omulala gwa bene Levi gônene Mûsa arhahâga ecihugo nka mwanya, bulya Nyakasane, Nyamuzinda w’Israheli, yêne yeri mwanya gwâbo, nk’oku anamubwîraga.