Mibalè 18:21 - BIBLIYA NTAGATIFU OMU MASHI

²¹ Alà oku bene Levi mbahire nka kashambala entûlo yoshi y’omu Israheli, kuli erya mikolo yâbo banajira omw’lhêma ly’embugânano.

Mibalè 18:21 ပူးပေါင်းရင်းမြစ်များ

Murhondêro 14:20

Ayâgirwe Nyamuzinda w’enyanya bwenêne owahiraga abashombanyi bâwe omu nfune zâwe». Abramu anacimurhûla oku ngasi ebi anali adwîrhe byoshi.

Murhondêro 47:24

Hano muyêza mwanakaz’ihà Faraoni mwâmi w’e Mîsiri cigabi ciguma ca karhanu na ninyu muyôrhane ebindi bigabi bini, byo byarhengakwo emburho yajà omu ishwa, kurhenge n’ebiryo mwalya na bene winyu n’abâna binyu».

Murhondêro 47:26

Okwo, Yozefu akujira irhegeko n’eryo irhegeko liciba omu cihugo ca Mîsiri kuhika ene: ecigabi ca karhanu Faraoni mwâmi w’e Mîsiri cirhûlwa.

2 Nganîro 31:12

Bakaziyîsha balihâna kulya kunashingânîne, entûlo zirhegesirwe n’empongano kuguma n’ebintu bitagatîfu. Babibîsa omuleviti Kenaniyahu, nka murhambo n’omulumuna Shimeyi nka murhambo wa kabirhi.

Nehemiya 10:29

Abasigalaga b’olubaga: Abadâhwa, abaleviti, abalanga aka-Nyamuzinda, abimbiza, bene Natineni, na ngasi bandi bacîyegûlaga oku lubaga mpu lyo bashimba oburhegesi bwa Nyamuzinda, abakazi bâbo, bagala bâbo, bâli bâbo na ngasi boshi bankahashir’iyumva.

Nehemiya 10:37

Rhwanalagânana oku rhwakalêrha omu nyumpa ya Nyamuzinda wîrhu, oku badâhwa bajira emikolo omu nyumpa ya Nyamuzinda wîrhu, ngasi ciburhwa-lubere c’abâna bîrhu, ebintu bîrhu nk’oku binayandisirwe, oku bya olubere lw’enkafu zîrhu n’ebibuzi bîrhu.

Nehemiya 10:38

Kuguma n’okwo, rhwalagânana oku rhwakaz’ilêrhera abadâhwa omu nyumpa ya Nyamuzinda wîrhu ebiyungulûlwa burhanzirhanzi by’oku migati yîrhu, oku nterekêro rhwagoshôlaga oku malehe g’emirehe yoshi, oku mamvu mahyâhya g’idivayi, n’oku mavurha; rhwalagânana okurhwakaz’ilyûla entûlo y’obudaka bwîrhu oku baleviti. N’oku abaleviti bônene bakazâg’ijuhîsa entûlo omu bishagala byoshi bijira amashwa.

Nehemiya 12:44

Ago mango enyumpa y’okubîkiramwo ebiryo, ebisârûlwa birhangiriza, n’entûlo, bayihirakwo abalanzi mpu bakaz’iyilundikamwo ebigabi bidwirhirwe abadâhwa bene-Levi; bigabi byakâg’irhenga omu bishagala byoshi, nk’oku byanal’irhegesirwe. Bulya Yûda ali asîmire okubona abadâhwa n’abaleviti bo shi bali omu mikolo yâbo.

Nehemiya 12:47

Israheli yêshi omu mango ga Zerobabeli n’aga Nehemiya, bakazâg’ihâna ecigabi c’abimbiza n’ec’abalanzi b’emihango; nabo abaleviti bakâhâbwa entûlo ntagatîfu, abaleviti nabo kuli cirya cigabi câbo, banahàkwo bene Aroni.

Nehemiya 13:12

Okubundi Yûda yêshi anacilêrha entûlo yâge y’engano n’ey’amamvu g’idivayi lihyâhya n’amavurha, abihira omu mbîko.

Nehemiya 13:5

ali amamurheganyiza ecumpa cihamu mwo bakazâg’ibîkira burhanzi enterekêro, enshangi, ebirugu, entûlo y’engano, idivayi lihyâhya, amavurha, empongano y’abaleviti, ey’abimbiza, ey’abalanzi b’emihango n’ebi bakazâg’ihôgeza abadâhwa.

Malakiya 2:4

Okubundi mumanye obwo oku niono, Nyakasane Nyamuzinda, nammurhonzire ntyo, nti lyo ndanga endagâno nafundikaga haguma na Levi n’iburha lyêge. Nyakasane w’Emirhwe okudesire.

Malakiya 3:10

Kazirnulêrhe ecigabi ca kali ikumi c’okunali omu kà-Nyamuzinda kâni, lyo ebiryo bikaziyôrha biri bibîkemwo ensiku zoshi. Mwanantangula mw’okwo niono Nyakasane w’Emirhwe. Mwâbona oku nâmmuhamûlira enyumvi z’emalunga nnammuyunjuze minjà gâni.

Mibalè 18:6

“Nie narhôzire bene winyu Baleviti ekarhî ka bene Israheli; abahâbagwa Nyamubâho we okola obahâbirwe mpu bakazijira omukolo gw’omw’lhêma ly’embugânano”.

Mibalè 3:6

«Yegeza bene Levi ahâla, obahire embere z’omudâhwa Aroni, bakazimukolera.

Mibalè 31:28

Oku cigabi c’abalwî bâli oku rnatabâro wanayankakwo ecigabi ca Nyamubâho, kwo kuderha cigabi ciguma oku magana arhanu ga bantu, ga nkâfu, ga ndogomi, erhi ga bibuzi.

Bagalasiya 6:6

Owayigîrizibwa akanwa ka Kristu, kukwânîne bagabâne ebirugu byâge bo n’owayigîriza.

Lushika 18:8

analya ecihimbi ciri nk’ec’abâbo, buzira kuderha obunguke ngasi muguma akayunguka omu kuguza eby’îshe.

Bahabraniya 7:5

Erhi kwo anali! Bulya n’omu bene-Levi nabo, àbahîrwe obudâhwa bajira irhegeko ly’okurhûlwa n’o­lubaga ecigabi ca kali ikumi, kwo kuderha muli bene wâbo, n’obwo nabo bali nkomôka y’Abrahamu akâbo.