Mibalè 18:19 - BIBLIYA NTAGATIFU OMU MASHI

¹⁹ “Ebi bene Israheli baberûlira Nyamubâho oku bintu bimâna nkuhirebyo we na bagala bâwe na bâli bâwe. N’eryo liri irhegeko ly’ensiku n’amango, eri ndagâno nnunge y’ensiku zoshi, embere za Nyamubâho kuli we n’okw’iburha lyâwe mweshi.”»

Mibalè 18:19 ပူးပေါင်းရင်းမြစ်များ

2 Bâm 12:16

Barhankanadesire mpu badôsa abantu bahâbagwa ezôla nfaranga kurhi bazikolêsize, na kurhi bazihîre abâbo, bulya bali bantu bakazâgikola n’obwîrhonzi.

2 Nganîro 13:5

“Ka murhagwâsirwi okumanya oku Nyamubâho, Nyamuzinda w’Israheli, ahîre Daudi obwâmi bw’ensiku zoshi omu Israheli, amuhàbo ye n’abagala omu ndagâno erhankavunwa?”

2 Nganîro 31:4

Anacibwîra olubaga lwayûbakaga omu Yeruzalemu bakazihâna ecigabi c’abadâhwa n’ec’abaleviti lyo bayôrha bacîhizire oku burhegesi bwa Nyamubâho.

Lubungo 29:27

Kuli eyo ngandabuzi y’okuyîmika Aroni n’abagala, orherekêre omushaya gw’okulengezibwa n’okuzunguzibwa, n’obuhira.

Ezekiyeli 43:24

Wânazihêka embere za Nyamubâho, kandi abadâhwa banazikwebakwo omunyu, banabulizirhererekêra nka nterekêro ya nsirîrà embere za Nyamubâho.

Ben Levi 2:13

Okaz’ilunga ngasi ntûlo warherekêra Nyamuzinda orhanalekaga okuhira omunyu gw’eciragâne câwe na Nyamuzinda wâwe kw’ebi wamurhûla. Okaz’ihira omunyu muli ngasi nterekêro yâwe yoshi emwa Nyamuzinda.

Ben Levi 21:22

Nêci acigwêrhe obuhashe bw’okulya oku biryo bya Nyamuzinda wâge, ciru n’oku bwangà bwimâna, n’oku bwangà bwimâna bwenêne.

Ben Levi 7:14

Banarherekêra Nyakasane higati higuma higuma kuli ngasi lubero. Rhulya rhugati rhwanayîsh’ibà rhw’omudâhwa wagend’ijira olukangûlo lw’omukò gw’erya nterekêro y’omurhûla.

Mibalè 18:11

“N’ebîra nabyo byakaziba byâwe: ngasi ebi banaberwîre oku ntûlo zâbo, oku ngasi nterekêro z’okumogamoga za bene Israheli; nkuhîre byo we na bagala bâwe na bâli bâwe, n’eryôla liri irhegeko ly’ensiku n’amango; ngasi ocîre w’omu mwâwe, anahasha okubiryako”.

Mibalè 18:8

Nyamubâho anacibwîra Aroni, erhi: «nakuhîre omukolo gw’oku ngasi binamberûlîrwe. Ebintu birherekêre bya bene Israheli, nkuhîre byo we n’abâna bâwe nka ngalo ya ngasi mango.

Mibalè 31:29

Wanarhôla kuli cirya cigabi câbo, wanaha omudâhwa Eleazari nka rnpongano ya Nyamubâho.

Mibalè 31:41

Mûsa aha omudâhwa Eleazari eyo mpongano yaberûliragwa Nyamubâho nka kulya Nyamubâho anali arhegesire Mûsa.

Lushika 12:26

Ci kwône ebirugu bitagatîfu, birya binali byâwe, haguma n’entûlo z’okuyûkiriza omuhigo, okazibiyanka obihêke halya hantu Nyamubâho àcîshozire.

Lushika 12:6

Ahôla ho mwakazilêrha enterekêro zinyu z’embâgwa n’ezindi nterekêro, entûlo zinyu n’ensholôlo z’omu nfune zinyu, enterekêro zinyu z’okuyukîriza omuhigo n’ezindi nterekêro munalonzize, enterekêro z’olubere lw’ebintu binyu binênênè n’ebinyinyî.