Mibalè 16:26 - BIBLIYA NTAGATIFU OMU MASHI

²⁶ Adesa olubaga loshi aderha, erhi: «Mujè kuli n’enyumpa za bala bantu babî, mumanye murhanahumaga oku ngasi kalugu kâbo, lyo ninyu mulekiherêrekera nka mwamazingazingwa n’ebyâha byâbo».

Mibalè 16:26 ပူးပေါင်းရင်းမြစ်များ

Murhondêro 19:17

Oku bamuhêka e muhanda, muguma muli balya bamalahika amubwîra, erhi: «Kanya oyâke duba duba, ocize omûka gwâwe, orhakabaganaga enyuma orhanayimangaga ngahi omu kabanda ci oyâkire oku ntondo lyo olek’ihêkwa omu nsanyâ».

Izaya 52:11

Gendi, gendi, rhengi hano, ntà higalugalu muhumagekwo. Huluki omwôla, mucîyôbôle, mwe muhêka ebirugu bya Nyakasane!

Yeremiya 51:6

Yâki! murhenge omu Babiloni, (ngasi muguma alwîre oku gâge); murhacîkululire omu buhane bwâge. Bulya go mango g’olwihôlo lwa Nyakasane gano, akola amugalulira nk’oku anakwânîne.

Mibalè 16:25

Mûsa ayimuka anacijà emunda Datani n’Abirami bali; n’abagula b’Israheli bayisha bamukulikire.

Mateyo 10:14

“Na ngasi yêshi walahîre okummuyigulira, erhi owalahire okuyumva enderho zinyu, muhuluke muli eyo nyumpa, erhi muli eco cishagala, mugukumule akatulo kali oku magulu ginyu”.

Ebijiro 13:51

Nabo babagukumulira akatulo kàbali oku nshando z’amagulu, bacîjîra e Ikoniya.

Ebijiro 8:20

Petro anacimushuza, erhi: «Okahera we n’ensaranga zâwe; wamanyire mpu wanagula enshôkano ya Nnâmahanga nsaranga!

2 Bakorinti 6:17

Rhengagi ekarhî kâbo, munaciyegûle, kwo Nyakasane adesire. Mumanye mwankahuma oku kantu karhacîri, nâni nammuyankirira.

Lushika 13:17

“ebyakanyagwa byoshi, onabilunde omu ngo y’emuhanda, omurhundu oguyôkere kuguma n’eminyago yago yoshi, gwoshi ogurhûle Nyamubâho, Nyamuzinda wâwe. Gushube bigûkà by’ensiku zoshi birhaciyûbakwe”.

1 Timoteyo 5:22

Ntâye olambûliragekwo amaboko duba-duba, onamanye wankashangîra ebyâha bya bene. Ocîlange mucêse.

Mafulûlo 18:4

Nanaciyumva erindi izù lyahubuka emalunga, erhi: «Rhengi muli ye, ngabo yâni, mwankanashangîra ebyâha byâge, mubone mwamarhogerwa n’i­bala akâge;