Mibalè 16:22 - BIBLIYA NTAGATIFU OMU MASHI

²² Banacikumbira akamalanga, baderha mpu: «Mâshi yâgirwa Nyamuzinda, we Nyamuzinda wa ngasi mûka gwa muntu, muntu muguma oyûla wadwîrhe oku kubî, na bunôla mpu okolaga wakunirira olubaga loshi»

Mibalè 16:22 ပူးပေါင်းရင်းမြစ်များ

Murhondêro 18:32

Abrahamu, erhi: «Nnawîrhu arhabâga burhè, nderhe ecinwa cizinda: Nkaba hankaciboneka ikumi lyône»; Nyamubâho amushuza, erhi: «Ntacihane erhi eryo ikumi lyo lirhumire»

2 Samweli 24:1

Oburhè bwa bene Israheli bwashub’igwârha Nyakasane, anacisunika Daudi kuli bo anamubwîra, erhi: «Kanya ojire omubalè gwa bene Israheli na bene Yûda».

2 Samweli 24:17

Erhi Daudi abona oyôla malahika wajàga ayîrha abantu anacibwîra Nyakasane erhi: «Mâshi k’orhabwîni oku nie najirisize ecâha, nie najiraga agâla mabî ci abôla buli busô, bubî buci bajizire? Okuboko kwâwe kubâge nie kujakwo n’oku nyumpa yâni.»

Ayubu 12:10

Abà afùmbasire omu nfune zâge obuzîne bwa ngasi hiyîsa, n’omûka gwa ngasi muntu.

Ennanga 99:6

Mûsa na Aroni bali omu badâhwa bâge, Samweli naye àli muli balya bàkazâgiyâkûza izîno lyâge. balya bàkazâgiyâkûza izîno lyâge naye anabayumvirhize.

Muhanûzi 12:7

n’e mbêre akatulo kashubire omu idaho nk’oku kanarhengagamwo, n’obuzîne emwa Nyamuzinda wabuhânaga.

Izaya 57:16

Bulya ntalonza nkaz’iyôrha najà kadali, erhi okukaz’iyôrha nkunîre ngasi mango, singa embere zâni omûka n’obuzîne nalemaga byanafananda.

Yeremiya 32:27

«Lolà oku nie Nyamuzinda, Nyakasane, Lulema w’ebibâho byoshi; ka hali ebya­ nkanyabira en’igulu?

Yeremiya 38:16

Okubundi Sedekyahu ajira eyi ndahiro mahwe-mahwe, omu masù ga Yeremiyahu, erhi: «Ye ndahîre Nyamuzinda ozîne, ye warhuhâga obu buzîne, ntakuyîse ntanakuhebe omu nfune z’abà bantu barhakumirira marhî!»

Ezekiyeli 18:4

Lolagi: Obuzîne boshi buli bwâni, ôli obuzîne bw’îshe w’omwânarhabana, oli obuzîne bw’omwâna­rhabana boshi buli bwâni. Owajizire ecâha ye wâkanafa.

Ben Levi 10:6

Mûsa ashub’ibwîra Aroni n’abagala, Eleyazari na Itamari, erhi: «Mumanye mwankaderha mpu mwashambûla emviri zinyu, nîsi mpu mwabera emyambalo yinyu, murhafe, lubaga lwoshi Nyakasane abêrire burhè. Bene Israheli boshi balakira bene winyu bahyaga n’omuliro gwa Nyakasane.

Ben Levi 4:3

Akabà mudâhwa washîzirwe amavurha ojizire ntyo, anarhuma olubaga lwoshi lwahemuka, eco câha câge canarhuma arherekêra Nyakasane empanzi y’omucûkà erhalikwo ishembo, ebè nterekêro y’okushukûlwa ebyâha.

Zakariya 12:1

Akanwa ka Nyakasane kuli Israheli. Ntya kwo Nyakasane adesire, olya wabungulaga amalunga, agwîka eciriba c’igulu ye nahà omuntu obuzîne:

Mibalè 14:5

Mûsa n’Aroni banacikumba bûbi embere za bene Israheli boshi.

Mibalè 16:23

Nyamubâho ashambâla na Mûsa amubwîra, erhi:

Mibalè 16:4

Erhi Mûsa ayumva okwôla, akumba bûbi.

Mibalè 27:16

«Nyamubâho, Nyamuzinda wa ngasi myûka ya bantu, ahirage kuli olûla lubaga omuntu

Barom 5:18

Ntyo, nk’oku bahaniragwa obubî bwa muntu muguma, kw’abantu boshi bàhindusire bêru-kwêru, banashobôla obuzîne cijiro ca bwimâna bwa muguma cirhumire.

1 Bakorinti 13:7

Obuzigire bubabalira byoshi, buyêmêra byoshi, bulangâlira byoshi, bunalembera byoshi.

Bahabraniya 12:9

Càbà ka rhurhàgwêrhe balarha b’omubiri bàkâg’irhuhana, rhwanakâbakenga? Ka kurhakwânîni bwenêne kulusha rhuyumve Larha w’emyûka yîrhu, lyo rhubona obuzîne?

Yozwe 22:18

“n’okwo kwarhuma mucîhindula kuli Nyakasane ene? Mukacîhindula ene kuli Nyamubâho, irhondo erhi ekola embugânano ya bene Israheli yoshi yo amakunirira”.