Mibalè 14:5 - BIBLIYA NTAGATIFU OMU MASHI

⁵ Mûsa n’Aroni banacikumba bûbi embere za bene Israheli boshi.

Mibalè 14:5 ပူးပေါင်းရင်းမြစ်များ

Murhondêro 17:3

Abramu anacikumba bûbi, na Nyamuzinda amubwîra, erhi:

1 Bâm 18:39

Olubaga lwoshi lwabon’ebyo byoshi; abantu banacirhimba ehy’akamalanga oku idaho baderha mpu: «Nyakasane ye na Nyamuzinda! Nyakasane ye na Nyamuzinda!»

1 Nganîro 21:16

Daudi agalamula amasù, abona Malahika amanyanyire ekarhî k’amalunga n’igulu, anayômwire engôrho yâge akola ayiyêrekezize e Yeruzalemu. Daudi bo n’abagula bâge bâli bayambîrhe emyambalo y’emishîbo, bayunama bahwera oku idaho.

Ezekiyeli 9:8

Agôla mango bajaga banigûza, nanacibêra halya nali, nanacikumba bubî oku idaho. Nanaciyâma nti: «Mashi Nyakasane Nyamubâho, ka onakolaga wamalîra ogu musigala gw’Israheli omu kuyâkiza oburhè bwâwe kuli Yeruzalemu?»

Daniyeli 10:9

Nanaciyumva izù ly’ebinwa byâge, n’erhi nyumva eryo izù ly’ebinwa byâge, nakumba n’entemu, nayûbikira ak’amalanga oku idaho.

Ben Levi 9:24

N’omuliro gwayâkaga embere za Nyakasane, gwalya erya mbâgwa na galya mashushi, olubaga erhi lubona okwo, lwabanda orhuhababo rhw’omwîshingo, boshi bafukamiriza, bahisa akamalanga oku idaho.

Mibalè 14:6

Yozwè, mwene Nuni na Kalebu, mwene Yefunè, bantu babirhi omu bagendigiyenja ecihugo, basharhula emyambalo yâbo.

Mibalè 16:22

Banacikumbira akamalanga, baderha mpu: «Mâshi yâgirwa Nyamuzinda, we Nyamuzinda wa ngasi mûka gwa muntu, muntu muguma oyûla wadwîrhe oku kubî, na bunôla mpu okolaga wakunirira olubaga loshi»

Mibalè 16:4

Erhi Mûsa ayumva okwôla, akumba bûbi.

Mibalè 17:10

«Orhenge muli olu lubà­ga, nkola naluhirigisa buno buno.» Bombi banacikumba bûbi.

Mibalè 20:6

Mûsa na Aroni barhenga aha ndêko, bakanya baj’ebw’lhêma ly’e­mbugânano. Bakumba bûbi, n’irenge lya Nyamubâho lyanacibabonekera.

Mateyo 26:39

Erhi ashegûka, acîrhimba oku idaho, ashenga anaderha, erhi: «Larha akabà kwankahashikana, aka kabehe kangere kuli! Ci kwônene arhali nk’oku nalonza, ci nk’oku walonza wênene».

Yozwe 5:14

Naye anacishuza, erhi: «Nanga, ci kône nyishire buno nka murhambo w’omurhwe gwa Nyakasane, niono nyishire». Yozwè anacikumba bûbi, afukama, ayunamiriza, anacimubwîra, erhi: «Bici nnawîrhu alonzibwîra omurhumisi wâge?»

Yozwe 7:10

Nyakasane anacibwîra Yozwè, erhi: «Yimanga, cirhumirage okumba bûbi ntya?

Mafulûlo 4:10

balya Bagula makumi abiri na bâni bakaz’icîkwêba aha magulu g’otamîre oku ntebe, banakaz’iharâmya ozîne e­myâka n’emyâka, banakwêba amashungwè gâbo embere z’entebe n’okuderha, mpu:

Mafulûlo 5:14

Na zirya Nsimba ini zakâderha, mpu: «Amen!» N’Abagula bakâcikweba oku idaho mpu baharâmye.

Mafulûlo 7:11

Na bamalahika erhi bazungulusire entebe n’Abagula na zirya Nsimba oku ziri ini; banacikwêba oku idaho embere ly’entebe, baharâmya Nyamuzinda, mpu: