Mibalè 14:21 - BIBLIYA NTAGATIFU OMU MASHI

²¹ “Ci, mbà nzîne! N’irenge lya Nyamubâho lyabumba igulu lyoshi!”

Mibalè 14:21 ပူးပေါင်းရင်းမြစ်များ

Ennanga 57:6

Nyamuzinda mâshi, orhang’ibà nka wacîyerekanira oku nyanya z’amalunga irenge lyâwe balibone omw’igulu lyoshi.

Ennanga 72:19

Ligishwe n’izîno lyâge ly’irenge ensiku zoshi, n’obukuze bwâge bulumîre en’igulu. Amen! Amen!

Lubungo 9:16

Ci alaga ecàrhumire nakuleka: nti nkuyêreke obuhashe bwâni lyo bamanyîsa izîno lyâni omu igulu lyoshi.

Izaya 49:18

Lolà eburhambi bwâwe: boshi bashûbûzinye, bayishire emunda oli. Mb’ofà obuzîne bwâni, Nyakasane okudesire, akabà orhacîhundikiribo boshi nka mwambalo gwa bulimbi, n’akabà orhabazongizi ecibunu nka mukaba, kula omunyere waheruka ajira.

Izaya 6:3

Erhi banadwîrhe bayâkûzanya, mpu: «Mwimâna, Mwimâna, Mwimâna, Nyakasane Nyamuzinda w’Emirhwe! Igulu lyoshi liyunjwîre irenge lyâge.»

Yeremiya 22:24

Buzîne bwâni ndahîre, Kanwa ka Nyakasane, ciru Konyahu mwene Yehoyakimu, mwâmi w’e Yûda, akabire ali ngolo, omu kuboko kwâni kulyo, nali nâmuhogola.

Ezekiyeli 18:3

Ndahîre obuzîne bwâni, kwo adesire Nyakasane Nyamubâho, murhacikazâgitwa bundi ogwôla mugani omu Israheli.

Ezekiyeli 20:36

Nk’oku natwîraga basho olubanja omw’irungu ly’ecihugo c’e Mîsiri, ntyôla kwo nâmutwîra olubanja, kwo adesire Nyakasane Nyamubâho.

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Ezekiyeli 33:27

Alaga oku wayishibabwîra, erhi: «Ntyâla kwo adesire Nyakasane Nyamubâho erhi: Ndahîre obuzîne bwâni! Abacisigire ebigûkà, ngôrho yâbayîrha, abâli omu mashwa nâjira ensimba zibalye, abâli omu nyumpa nzibuzibu nîsi erhi abâli omu nyâla cihûsi câbayîrha.

Ezekiyeli 5:11

Co cirhumire, ndahîre oku buzîne bwâni, Nyakasane Nyamubâho okudesire, ebwa kubà wahemwîre ahantu hâni hatagatîfu n’amabî gâwe magalugalu, nâni nkola nâmujandika buzira masù ga bwonjo na buzira kubabalira.

Habakuki 2:14

Nêci, obushinganyanya bwa Nyakasane w’irenge bwayunjula ecihugo lwoshi lwoshi nka kula amîshi ganayunjula enyanja. IV

Sofoniya 2:9

Co cirhumire, ncîgashire ecihango câni, kwo Nyakasane w’Emirhwe, Nyamuzinda w’Israheli adesire, erhi: «Mowabu na Amoni bâbà aka Sodoma na Gomora: mashaka ga makerêrhe na birundo bya munyu, irungu lyûmu-lyûmu oku nsiku n’amango. Abâyôrhe b’omu lubaga lwâni bânabahagule, abânasigale b’omu ishanja lyâni bo bayîme omu byâbo.»

Mibalè 14:28

Ogendibabwîra oku mbà nzîne! Nyamubâho okudesire: namujirira nk’okwôla mwanaderheraga omu marhwiri gâni.

Mateyo 6:10

Obwâmi bwâwe buyishe, Obulonza bwâwe bubè en’igulu nk’empingu.

Lushika 32:40

Nêci, nnengerîze enfune zâni emalunga, nandesire, nti: «Nie nkudesire, nie mbâho ensiku n’amango»,