Mibalè 14:2 - BIBLIYA NTAGATIFU OMU MASHI

² Bene Israheli boshi bakazicîdudumira Mûsa n’Aroni, n’endêko yoshi yababwîra, erhi: «Ka rhurhankafirire omu cihugo c’e Mîsiri nîsi erhi munôla irungu erhimwo.»

Mibalè 14:2 ပူးပေါင်းရင်းမြစ်များ

1 Bâm 19:4

Oku bwâge, alambagira Omw’irungu lugendo lwa lusiku luguma, buzinda abwârhala ah’idako ly’omurhi. Acîganya owafîre, aderha erhi: «Nyakasane arhali ene lirya wamajira wantamya! Orholage obuzîne bwâni, bulya ntâco ndushire balarha.»

Ayubu 3:11

Cârhumaga ntafîra omu nda ya nyâmà, erhi nkacigendera oku nanaburhwa?

Ennanga 106:24

Kandi aho bagayaguza ecihugo nkana barhayêmêraga ebinwa byâge,

Ennanga 106:25

Bacîduduma omu birâlo byâbo, barhenguha Nyakasane.

Ennanga 106:45

Akengêra omulagi àbalaganyagya, ayumva omutula bulyâla olukogo lwâge lubà lunji.

Lubungo 14:11

Banacibwîra Mûsa, mpu: «Ka nshinda zalibuzire e Mîsiri obuwayishir’irhuyirhira omu mpinga? Bici ebi warhukolîre erhi orhurhenza e Mîsiri?

Lubungo 15:24

Olubaga lwacîdudumira Mûsa, lwaderha, mpu: «Bicigi rhwanywa obu?»

Lubungo 17:3

Aho olubaga lwalibûka n’enyôrha; olubaga lwacîdudumira Mûsa, mpu: «Carhumaga orhurhenza e Mîsiri? Ka mpu orhuyirhe n’enyôrha, rhwe n’abâna n’ebintu bîrhu?»

Yônà 4:3

Mâshi Yâgirwa, mpêka buno, yanka guno mûka, bulya olufù lwo lukulu aha kalamo emwâni buno».

Yônà 4:8

E­erhi izûba lishoshôka, Nyamuzinda azûsa empûsi yâyôca, lirya izûba lyabasha­ kwo Yônà, okuhandi ajogonokerwa. Kandi acîfinja olufù, aderha, erhi: «Aye! Okufà kwo kukulu aha kulama ntya».

Mibalè 11:1

Olubaga lwarhondêra okucîdudumira kubî omu kurhwiri kwa Nyamubâho. Nyamubâho ayumva okwôla, n’oburhè bwâge bwayâka bwenêne, omuliro gwa Nyamubâho gwayâka kuli bo, gwarhondêra okuyôca eburhambi bw’ecihando.

Mibalè 11:15

“Ahâli h’okunjira ntyâla, nkusengîre onyîrhe erhi kwo, akabà obwîne ntonyire omu masù gâwe, n’akabà orhalonza mbone obuhanya!”»

Mibalè 11:5

Rhwamadula zirya nfî rhwakagilya busha busha konene e Mîsiri, rhwamadula gulya mundagwè, galya malehe, birya bitumbura na balya bapwaro bîrhu.

Mibalè 14:1

Olubaga lwoshi lwalogôshera, lwabanda orhuhababo, lwalakûla obwôla budufu boshi.

Mibalè 14:22

“Abantu boshi babwîne irenge lyâni n’ebisômerîne najiraga e Mîsiri na omw’irungu, abantu bamantangula kali ikumi, barhanyumva izù lyâni”,

Mibalè 16:13

Ka kuli kunyi erhi orhurhenza omu cihugo cahululaga amarhà n’obûci n’okuyishirhuyîrhira munôla irungu; kandi wacikûnga mpu we nnawîrhu?

Mibalè 17:6

Erhi buca, olubaga loshi lwa bene Israheli lwarhondêra lwacîdudumira Mûsa na Aroni, lwakaziderha mpu: «Mwayisize olubaga lwa Nyamubâho.»

Mibalè 20:2

Bulyâla ahôla harhàli mîshi oku lubaga, boshi banacilundûkira emunda Mûsa na Aroni bali.

Mibalè 20:3

Olubaga lwalongôla na Mûsa, baderha mpu: Nîrhu rhucifaga galya mango bene wîrhu bafiraga embere za Nyamubâho ka kurhàli kwabà kwo kukulu?

Mibalè 20:4

Carhumaga olêrha olubaga lwa Nyamubâho munôla irungu, ka mpu lyo rhugûkumukiramwo rhwe n’ebintu bîrhu?

Mibalè 21:5

Lwanacirhondêra okucîdudumira Nyamuzinda na Mûsa, lwakaziderha, erhi: «Carhumaga warhukûla e Mîsiri mpu rhuyishifira muno irungu? Ntà mugati, ntà mîshi, rhwanayihisirwe n’ebi biryo b’ishali».

1 Bakorinti 10:10

Murhacîdudumaga aka baguma muli bazigululwa na Kaheza.

Lushika 1:27

Mwakazicidudumira omu bihando binyu mpu: «Nyamubâho kushomba ali arhushombire erhi arhurhenza omu cihugo c’e Mîsiri; kwàli kuderha mpu arhuhebe omu nfune z'Abamoriti lyo rhugukumuka.

Lushika 9:23

Na galya mango Nyamubâho alonzagya okumurhenza e Kadesi-Barnea, bulyâla amubwîra, erhi: «Musoke mugendirhôla cirya cihugo mmuhîre», mwacinungushulira eryôla irhegeko lya Nyamubâho, Nyamuzinda winyu murhamuyêmêraga murhanayumvagya izù lyâge.

Bahabraniya 3:16

Bahi balya bàgomaga, bamâyumva izù lyâge? K’arhali balya boshi bàrhengaga e Mîsiri, balongôlirwe na Mûsa?

Yûda 1:16

Babà bantu bakâyôrha bacîduduma, ntà mango basîma, emunda iralà libahesire yo banajà, omu kanwa kâbo nderho za bucîbone zirhengamwo, banakalimîriza abantu mpu babarhôlekwo obunguke.