Mibalè 14:14 - BIBLIYA NTAGATIFU OMU MASHI

¹⁴ Boshi bayishi oku w’oyu Nyamubâho, ôbà ekarhî k’olu lubaga; oku onakazicîyêrekana emwâbo busù oku busù, w’oyu Nyamubâho; bayishi oku ecitù câwe cibà enyanya zâbo, bayishi oku onakazigenda embere zâbo mûshi omu nkingi y’omuliro.

Mibalè 14:14 ပူးပေါင်းရင်းမြစ်များ

Murhondêro 32:30

Yakôbo amuyinginga, erhi: «Ombwîre nâni izîno lyâwe». Ci yêhe amushuza, erhi: «Cici ondokîze izîno lyâni?» Ho na halya amugisha.

Nehemiya 9:12

Mûshi, wajà wabagendana n’enkingi y’ecitù na budufu n’enkingi y’omuliro mpu lyo obamolekera n’okubalangula enjira bashimba.

Nehemiya 9:19

Woyo, omu lukogo lunji, orhabajandikaga omu irungu n’erya nkingi y’ecitù orhayiyegûlaga kulibo, yakaz’iyôrha yabalongôlana omulegerege gwo shi. Ciru n’erya nkingi y’omuliro yajâga yabamolekera budufu, kuguma n’omu njira bali bagwâsirwe okushimba.

Ennanga 105:39

Alambûla ecitù cabacinga, atwâna omuliro gwabamolekera budufu.

Ennanga 78:14

Akaz’ibalusa n’ecitù mûshi, akaz’ibamolekera n’omuliro budufu.

Lubungo 15:14

Amashanja gàyumva, gàgeramwo ogwa nyegenye; omusisi gwadirhimanya abayûbaka omu Filistiya.

Lubungo 33:11

Nyakasane àkâgishambâla bo na Mûsa busù oku busù nka kula omuntu anashambâza owâbo muntu. Okuhandi Mûsa àkagishubira ebw’icumbi, ci omurhabâzi wâge Yozwè, mwâna wa busole mwene Nuni, yêhe arharhengaga omu Cihando.

Lubungo 33:16

Bicigi bankacimanyirakwo oku niono rhwe n’olubaga lwâwe, rhurhonyire omu masù gâwe? K’arhali kugenda haguma nîrhu oku kwarhuma, n’okubona niono n’olubaga lwâwe rhurhashushini n’agandi mashanja gabà hano igulu?»

Lubungo 40:38

Bulya ecitù ca Nyakasane cakâgigwa oku Ndâro mûshi na budufu, càlimwo omuliro, omu masù g’iburha lya Bene Israheli lyoshi, omu lugendo lwâbo lwoshi.

Mibalè 10:34

Ecitù ca Nyamubâho cakâgija cayêrêra enyanya zâbo mûshi, nka bamârhenga omu cihando.

Mibalè 12:8

“Nankazimushambâza rhuyerekezanye akanwa, nciyêreke ye ci ntamushambaliza omu migani, yêne anahashilolêreza obusù bwa Nyamubâho. Carhumirage murharhînya okujà kwaderhaderha kubî mwambali wâni Mûsa?”»

Yowane 1:18

Ntà muntu ciru n’omuguma osag’ibona Nyamuzinda; Omugala cûsha yêne, ôbà muli Îshe, ye warhumanyisagyaye.

Yowane 14:9

Yezu amushuza, erhi: «Filipo, aga mango goshi ndi ninyu orhanasag’immanya? “Ombwîne erhi abwîne na Larha”. “Kurhi wankaciderhaga, erhi”: “Rhuyêreke Sho?”»

1 Bakorinti 13:12

Buno rhucidwîrhe rhwabonera omu cilolero olubwibwi lurhuli omu masù, ci ago mango rhwayish’ibona bwinjinjaa amasù omu masù. Buno obumanye bwâni buli bwa bihimbi, ci ago mango nâmanya nk’oku mmanyirwe.

Lushika 1:19

Rhwaleka Horebu obwo, rhwayikira olya nakagali, olya nyandumà w’irungu mwabonaga. Mwo rhwàli omu njira y’okujà ebwa ntondo z’Abamoriti nka kulya Nyamubâho, Nyamuzinda wîrhu anali arhurhegesire, rhwalinda rhuhika aha Kadesi-Barnea.

Lushika 34:10

Omu Israheli murhacibonekaga owundi mulêbi wali aka Mûsa, oyu Nyamubâho ayishigi, balolane naye omu masù.

Lushika 5:24

“mwambwìra, mpu: Nyamubâho, Nyamuzinda wîrhu amarhuyêreka irenge n’obukulu bwâge, rhwamâyumva izù lyâge omu karhî k’omuliro; mpu nêci ene rhwamaja rhwabona oku Nyamubâho anaderhêza omuntu n’omuntu agalilama”.

Lushika 5:4

Nyamubâho amushambâza masù omu masù oku ntondo omu karhî k’omuliro.

Yozwe 5:1

Abâmi boshi banya-Moreni bàyûbakaga ishiriza lya Yordani, olunda lw’e buzûka-zûba, n’abâmi banya-Kanâni bàyûbakaga hôfi n’enyanja erhi bayumva kurhi Nyakasane aganyagya amîshi ga Yordani embere za bene Israheli, kuhika balinda bayikira, boshi barhà omurhima, entemu yabagwârha embere za bene Israheli.

1 Yowane 3:2

Bîra bâni, buno rhuli bâna ba Nyamuzinda, ci oku rhwâyish’iyôrha kurhac’ibonekana. Kwône rhumanyire oku amango kwâbonekana, rhwâyish’imushusha, bulyâla rhwânamubone nk’oku anali.