Mibalè 13:32 - BIBLIYA NTAGATIFU OMU MASHI

³² Barhondêra okushambâla kubî kubî oku biyêrekîre ecôla cihugo balijiriyênja, bakaziderha, mpu: «Ecihugo rhwalijiriyênja, ciri cihugo cirya bene co, abantu rhwabwîne muli ecôla cihugo bali bantu balî-balî.

Mibalè 13:32 ပူးပေါင်းရင်းမြစ်များ

2 Samweli 21:20

Ahôla hali muntu muguma mulîmulî, ali agwêrhe minwe ndarhu oku ngasi kuboko na mano ndarhu ebwa ngasi kugulu, amanò n’eminwe yâge byàli makumi abirhi n’ini, naye ali w’omu bûko bwa Rafa.

1 Nganîro 20:6

Kandi eyindi ntambala yakozibwa e Gati. Yalimwo omusirika muguma w’omu bashombanyi mulî-mulî, àgwêrhe minwe ndarhu oku ngasi kuboko na mano ndarhu oku ngasi kugulu, àli w’oku bûko bwa Harafa ak’abandi.

Ennanga 106:24

Kandi aho bagayaguza ecihugo nkana barhayêmêraga ebinwa byâge,

Ezekiyeli 36:12

Nayisha mudwîrhîre abantu, lwo lubaga lwâni lw’Israheli, bâkujira akashambala kâbo, wâbà hantu hâbo, orhakanaciyîrha abâna bâbo.

Amosi 2:10

N’obwo nie namurhenzagya omu cihugo c’e Mîsiri, myâka makumi anni goshi omw’irungu, erhi nie mmushokolîre, nti muyîmike omu cihugo c'Abamoriti.

Amosi 2:9

N’obwo naherêrekezagya Abamoriti embere zâbo, omujunja gwâbo gwàli nk’ogw’enshûngurhi n’emisî yâbo nka ya mwabira-njovu. Naherêrekeza amalehe gâge enyanya, n’emizî yâge idako.

Mibalè 13:28

“Ci olubaga luyûbaka ecôla cihugo luli ludârhi, n’ebishagala byâbo biri bizibuzibu na binene bwenêne; ciru rhwanashimanyiremwo bene Anaki”.

Mateyo 23:13

«Yajowe mweki, bashamuka b’ihano ninyu, ezi ndyâlya zikayigalira abantu Obwâmi bw’empingu! Mumanyire oku murhakabubalala­mwo n’abalonza okubujamwo mudwîrhe mwabahanza. [

Lushika 1:28

Mpu yo ngahi eyo rhwasôkera? Bene wîrhu barhutwîre omurhima ene baderha, erhi: luli lubaga luzibu na lunji kurhulusha, erhi emirhundu yâbo eri miyûbakire buzibu-zibu n’ebyôgo byâyo bisokîre omu nkuba karhî, erhi ciru rhwanabwineyo Anakimu».