Mibalè 13:3 - BIBLIYA NTAGATIFU OMU MASHI

³ Mûsa abarhuma kurhenga omwôla irungu lya Parani nk’okwôla Nyamubâho anarhegekaga; abôla barhambo barhumagwa bàli barhambo ba muli bene Israheli.

Mibalè 13:3 ပူးပေါင်းရင်းမြစ်များ

Mibalè 10:12

Bene Israheli bashubihira njira, barhenga omw’irungu lya Sînayi, cirya citù cagendiyimanga omw’irungu lya Parani.

Mibalè 12:16

Enyuma z’aho, olubaga lwarhenga ahôla Haseroti, bâge­ndihânda omu irungu lya Parani.

Mibalè 13:2

«Orhume abantu bagendiyênja ecihugo ca Kanâni, co cihugo nâhà bene Israheli. Ojè warhuma muguma muguma omu ngasi bûko; n’abôla warhuma kukwânîne babè b’omu barhambo bâbo.»

Mibalè 13:26

bayisha bayishire bajà emunda Mûsa ali n’Aroni, n’endêko ya bene Israheli boshi aha Kadesi, omw’irungu lya Parani. Bababwîra emyanzi nka kulya banarhumagwa; bashambalira n’olubaga loshi, banabayêreka amelehe ga ecôla cihugo.

Mibalè 13:4

Alaga amazîno gâbo: omu bûko bwa Rubeni, Shamuwa, mwene Zakuru.

Mibalè 32:8

Kwa bene oko basho bajiraga erhi mbarhuma nti bagendiyênja ecihugo kurhenga e Kadesi-Barnea.

Mibalè 34:17

«Alaga amazîno g’abantu bagendimugabira eryo ishwa: omudâhwa Eleazari na Yozwè, mwene Nuni.

Lushika 1:19

Rhwaleka Horebu obwo, rhwayikira olya nakagali, olya nyandumà w’irungu mwabonaga. Mwo rhwàli omu njira y’okujà ebwa ntondo z’Abamoriti nka kulya Nyamubâho, Nyamuzinda wîrhu anali arhurhegesire, rhwalinda rhuhika aha Kadesi-Barnea.

Lushika 1:23

Erhi mbona oku kuli kwinjà okwo, narhòla balume ikumi na babirhi ekarhî kinyu, muguma muguma omu ngasi bûko.

Lushika 9:23

Na galya mango Nyamubâho alonzagya okumurhenza e Kadesi-Barnea, bulyâla amubwîra, erhi: «Musoke mugendirhôla cirya cihugo mmuhîre», mwacinungushulira eryôla irhegeko lya Nyamubâho, Nyamuzinda winyu murhamuyêmêraga murhanayumvagya izù lyâge.

1 Samweli 25:1

Oku bundi Samweli anacifà, olubaga lwoshi lwashûbûzanya, bamushîba bwenêne, bamubisha omu ishwa lyâge aha Rama. Enyuma ly’aho, Daudi alîkûla ayandagalira omu irungu lya Parani.